जनजागृति मावि थाक्रेका ५९ जना विद्यार्थीलाई न्यानो कपडा वितरण

धादिङ,५ पुष
थाक्रे गाउँपालिका वडा नं ६ मा रहेको जनजागृति माध्यामिक विद्यालयका विद्यार्थीहरुलाई न्यानो कपडा वितरण गरिएको छ । उन्नती काठमाडौ र उस्ती फाउनडेशनको सहकार्यमा संचालित बालबालिका सशक्तिकरण परियोजना कार्यक्रम अन्तरगत ५९ जना बालबालिकालाई कपडा वितरण गरिएको हो ।

बिहीबार जनजागृती माध्यामिक विद्यालयका ५९ जना विद्यार्थीहरुलाई विद्यालय पोशाक, झोला, जुत्ता लगायत न्यानो कपडा वितरण गरिएको विद्यालय व्यवस्थापन समितिका अध्यक्ष गोकर्ण रुपाखेतिले जानकारी दिनुभयो। प्रति विद्यार्थी चार हजार पाँच सयका दरले २ लाख ५० हजार बराबरको सहयोग गरीएको हो ।

बालबालिकाको शैक्षिक अवस्था सुधार गर्नको लागि बालबालिकाहरुलाई न्यानो कपडा वितरण गरिएको रुपाखेतीले जानकारी दिनुभयो । उन्नती काठमाडौ र उस्ती फाउनडेशनले थाक्रे गाउँपालिकाको १५ वटा विद्यालयमा शैक्षिक सुधारको क्षेत्रमा काम गरिहेको छ ।