सिद्धलेक गाउँपालिकाद्वारा सुत्केरीलाई नगद ५ हजार पोषण भत्ता वितरण

धादिङ,५ पुष
सिद्धलेक गाउँपालिकाले १४ जना सुत्केरीलाई प्रति व्यक्ति नगद ५ हजारका दरले पोषण भत्ता वितरण गरेको छ । सिद्धलेक गाउँपालिकाले सन्चालन गरेको उपाध्यक्षसँग सुत्केरी पोषण कार्यक्रम अन्तरगत १४ जना सुत्केरीहरुलाई बिहिबार पोषण भत्ता वितरण गरीएको हो ।
सिद्धलेकको नलाङ स्वास्थ्य चौकीमा एक कार्यक्रमका बिच १४ जना सुत्केरी आमा हरुलाई ५ हजारका दरले पोषण भत्ता वितरण गरिएको स्वास्थ्य शाखा प्रमुख राम विनय शाहले जानकारी दिनुभयो ।

सुत्केरी आमा र बच्चालाई आवश्यक पर्ने पोषण आहारा खुवाउनका लागि सुत्केरी पोषण भत्ता उपलब्ध गराएको पालिका अध्यक्ष परशुराम खतिवडाले बताउनुभयो । बच्चा र आमाको स्वास्थ्यको लागि गाउँपालिकाले सहयोग गरेको बताउनुभयो ।
यसैगरी गाउँपालिकाका उपाध्यक्ष सविता अर्यालले पोषणको अभावमा सुत्केरी आमा र नवजात शिशुको स्वास्थ्यमा समस्या नआओस् भनेर गाउँपालिकाले सुत्केरी आमालाई पोषण भत्ता दिने नीति ल्याएकोे बताउनुभयो ।

गाउँपालिकाको उपाध्यक्ष सविता अर्यालको अध्यक्षतामा सम्पन्न भएको कार्यक्रममा गाउँपालिका अध्यक्ष परशुराम खतिवडाको प्रमुख आतिथ्यता रहेको थियो ।कार्यक्रममा स्वास्थ्य शाखा प्रमुख राम विनय शाह, वडा नं २ का वडा अध्यक्ष शम्भु गुरुङ, वडा नं ३ का अध्यक्ष देब बहादुर पुलामी लगायत सुत्केरी महिलाहरुको उपस्थिति रहेको थियो ।