नीलकण्ठ १० मा सात दिने व्यवसाय सचेतना तालिम सुरु

धादिङ,२९ मंसिर 
धादिङको नीलकण्ठ नगरपालिका वडा नम्बर १० मा सातदिने व्यवसाय सचेतना तालिम सुरु भएको छ । नीलकण्ठ नगरपालिकाको आयोजनामा चालु आर्थिक बर्ष २०८०/०८१ मा कार्यान्वय हुने गरी स्वीकृत भएको मेयर उद्यमशीलता विकास कार्यक्रम अन्तर्गत तालिम सुरु गरीएको हो।नीलकण्ठ नगरपालिकाको १४ वटै वडामा प्रत्येक वडाका २५ जनाको सहभागिता रहने गरी तालिम सन्चालन गरिने प्रशिक्षक सम्झना भण्डारीले जानकारी दिनुभएको छ ।

पहिलो चरणको सात दिने तालिम लिएर व्यवसाय सुरु गर्नेहरुलाई नीलकण्ठ नगरपालिकाले २ लाख देखी १५ लाख सम्म सहुलियत कर्जा उपलब्ध गराउनेछ ।२ लाख सम्मको लागि बिना धितो र २ लाख भन्दा बढीको हकमा धितो राखेर कर्जा उपलब्ध गराईने भण्डारीले नीलकण्ठ एफएमलाई जानकारी दिनुभयो।सात दिने तालिम लिएकाहरुले व्यवासाय सन्चालन गर्नको लागि लिएको कर्जाको व्याज २ बर्ष सम्म नीलकण्ठ नगरपालिकाले भुक्तानी गर्नेछ ।पुरुषको हकमा ५ प्रतिशत र महिलाको हकमा ६ प्रतिशत व्याज नगरपालिकाले तिर्ने गरी बैंक सँग सम्झौता गरीएको छ। नगरबासीहरुलाई उद्यमी बनाउने उदेश्यले नीलकण्ठ नगरपालिकामा मेयर उद्यमशिलता कार्यक्रम सुरु भएको छ । यसअघी वडा नम्बर ३,१२,१,२ र ५ मा सात दिने तालिम सम्पन्न भईसकेको छ । सात दिन सम्म विज्ञ व्यक्तीहरुबाट सहजिकरण गरिने नीलकण्ठ नगरपालिकाले जनाएको छ ।क्षमता विकास समितिको संयोजक शान्ता थापाको अध्यक्षतामा सुरु भएको तालिममा निमित्त प्रमुख प्रशासकीय अधिकृत प्रदिप पौडेलको प्रमुख आतिथ्यता रहेको थियो । कार्यक्रममा मेयर भीम प्रसाद ढुंगानाका नीजि सचिव सरोज तिवारी, सामाजिक परिचालन अधिकृत सम्झना भण्डारी लगायतको आतिथ्यता रहेको थियो ।