धादिङमा हत्याको घटना दिनानुदिन बढ्दो, धुनिबेशीमा श्रीमती र त्रिपुरासुन्दरी गोलाङमा बृद्धा हत्या गर्ने पक्राउ

धादिङबेशी । धादिङमा पछिल्लो समय हत्या भएको घटनाहरु दिनानुदिन बढ्दो रुपमा सार्वजनिक भैरहेका छन् । पछिल्लो समय धादिङको धुनीबेशी नगरपालिका–२ का २७ बर्षीया रामचन्द्र बयलकोटीले आफनै श्रीमतीको हत्या गरेका घटना सार्वजनिक भएको हो ।

२० वर्षीया श्रीमती पवित्रा बयलकोटीको हत्या गरी भागेका आरोपमा रामचन्द्र बयलकोटीलाई इलाका प्रहरी कार्यालय खानीखोलाले पक्राउ गरेको छ । जिल्ला प्रहरी कार्यालय धादिङमा सोमबार पत्रकार सम्मेलन गरेर रामचन्द्र बयलकोटी लगाएतका अभीयुक्तहरुलाई सार्वजनिक गरीएको थियो । रामचन्द्रले श्रीमतीको अनुहार, घाँटी र पाखुरासहित ८ ठाउँमा धारिलो हतियार प्रहार गरी हत्या गरेका र श्रीमतीको हत्या गरी शव धैरेनी सामुदायिक वनको बाटोमा फालेर बयकोटी फरार भएका प्रहरी अनुसन्धान बाट खुलेको छ । लुकिरहेको अवस्थामा बयलकोटीलाई खानिखोलाबाट प्रहरीले प्रक्राउ गरेको थियो ।

यसैबीच त्रिपुरासुन्दरी गाउँपालिका वडा नमम्बर ६ गोलाङकी ६२ बर्षिय मन कुमारी सर्किनीको हत्यामा संलग्न रहेका तीन जना प्रतिवादीहरुलाई पनि सोमबार नै पत्रकार सम्मेलन माफर्त सार्वजनिक गरीएको छ । यहि मंसिर १५ गते रातीको समयमा कुमारी सर्किनीको हत्या अभियोगमा त्रिपुरासुन्दरी गाउँपालिका वडा नम्बर ६ गोलाङ बस्ने शिव बहादुर बस्याल,सोहि स्थान बस्ने टोप बहादुर सार्की र सुनिल नेपालीलाई पक्राउ गरि सार्वजनिक गरीएको हो ।

पटक–पटक विभिन्न अपराधमा संलग्न भई जेल परेका शिव बहादुर बस्यालले घाटी थिचेर हत्या गरेको प्रहरी सामु स्विकार गरेको धादिङका प्रहरी प्रमुख गौतम मिश्रले जानकारी दिनुभयो । प्रतिवादी शिब बहादुर बस्यालले अन्य दुई जनाको पनि सहभागिता रहेको भनेर दुई जनाको नाम पनि दिएपछि प्रहरीले सुनिल नेपाली र टोप बहादुर सार्कीलाई पनि प्रक्राउ गरेको हो । प्रतिवादी शिव बहादुर बस्याल चोरी मुद्दामा २० महिना कैद भुक्तानी गरी मंसिर १४ गते कारगागरबाट छुटेका थिए ।कारागारबाट छुटेकै भोली पल्ट मन कुमारी सार्कीको घरमै गएर हत्या गरेका थिए ।

घट्नाको विषयमा थप अनुसन्धान भईरहेको जिल्ला प्रहरी कार्यालय धादिङले जानकारी दिएको छ ।