आईतबार नीलकण्ठका थप ५ जनामा डेंगु पुष्टि

धादिङ, ०७ असोज ।

नीलकण्ठ नगरपालिकाका थप ५ जनालाई डेंगु संक्रमण भएको छ। आईतबार नगरपालिकाका ३ जना महिला र २ जना पुरुष गरी ५ जनामा डेंगु संक्रमण पुष्टि भएको हो ।

स्वास्थ्य कार्यालय धादिङका अनुसार हालसम्म नीलकण्ठ नगरपालिकाका २५ सय ७१ जनामा डेंगु संक्रमण भएको छ ।

चालु आर्थिक वर्षको साउन महिना यता जिल्लामा १६ सय १० जना महिला र १५ सय ४ जना पुरुष गरी ३१ सय १४ जना डेंगु संक्रमित भएको स्वास्थ्य कार्यालय धादिङले जनाएको छ ।

जिल्लको ज्वालामुखी गाउँपालिकामा १३६ जना, सिद्धलेकमा ११४ जना, बेनीघाट रोराङमा ७६ जना, त्रिपुरासुन्दरीमा ६७ जना, गजुरीमा ३४ जना, गंगाजमुनामा २७ जना, खनियावासमा १९ जना, रुवीभ्यालीमा १८ जना, नेत्रावती डबजोङमा १७ जना, गल्छीमा ११ जना, धुनीबेशीमा १० जना र थाक्रे गाउँपालिकामा १ जना संक्रमित रहेका छन् ।