कालीदेवी माध्यमिक विद्यालयमा विस्तृत विद्यालय स्वास्थ्य कार्यक्रम सम्पन्न

धादिङ । सिद्धलेक गाँउपालिका धादिङ तथा किर्तिगंगा मेडिकल सेन्टरको सहयोगमा कालीदेवी माध्यमिक विद्यालय सिद्धलेक–४ आरुवास धादिङमा विस्तृत विद्यालय स्वास्थ्य कार्यक्रम (Comprehensive School Health Program) सम्पन्न भएको छ ।

कार्यक्रममा किर्तिगंगा मेडिकल सेन्टरका डा. राम थापा क्षेत्री बाट कक्षा ईसिडि देखि कक्षा १० सम्मका विद्यार्थीहरुलाई आकस्मिक स्वास्थ्य शिक्षा तथा जीवनपयोगी सीप र जनचेतनामूलक सामूहिक कार्यशाला तथा प्रशिक्षण दिनुभएको थियो । विद्यालयमा तथा दैनिक जीवनमा हुन सक्ने तथा विभिन्न आकस्मिक घट्नाहरुको न्युनिकरण र प्राथामिक रोकथाम गर्ने उद्देश्यका साथ कार्यशाला गरिएको थियो । कार्यक्रममा विद्यार्थीहरुलाई प्रत्यक्ष अभ्यास पनि गराइएको थियो ।

डा. राम थापा क्षेत्रीले घटना हुनुभन्दा अगाडी वा भैसकेपछी आफ्नो सुरक्षाका लागि विभिन्न उपाय वा विधिहरु प्रयोग गरी त्यसबाट हुन सक्ने जोखिम तथा अन्य ठुला घट्नाहरुबाट जोगिन सकिने बताउनु भएको छ । त्यसै गरी विद्यालयमा गरिएको कार्यक्रम अत्यन्तै प्रभावकारी तथा प्रयोगमुलक भएको विद्यालयका प्रधानाध्यापक बाबुराम तामाङले बाताउनु भयो । कार्यक्रममा स्वास्थ्य संस्थाका स्टाफहरु महिला स्वयंसेविकाहरु वडा तथा गाँउ कार्यपालिका सदस्य, विद्यालय शिक्षक तथा अभिभावकहरको उपस्थिति रहेको विद्यालयका सुचना अधिकारी सुनिल थापा मगरले नीलकण्ठ एफ.एम.लाई जानकारी दिनुभयो ।