ICDC नेपालको २६ औँ स्थापना दिवसमा ५५ जनाले गरे रक्तदान

ICDC नेपालको २६ औँ स्थापना दिवसको अवसरमा ५५ जनाले रक्तदान गरेका छन् । शुक्रबार नीलकण्ठ नगरपालिका–८ बगैँचा स्थित ICDC पसिरमा भएको रक्तदान कार्यक्रममा ४६ जना पुरुष र ९ जना महिलाले रक्तदान गरेको धादिङ रेडक्रसका कोषाध्यक्ष नारायण कुमार श्रेष्ठले जानकारी दिनुभयो ।

एकिकृत सामुदायिक विकास नेपाल धादिङले आयोजना गरेको रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।

जिल्लामा रगतको चरम अभावलाई न्युनीकरण गर्नको लागी विभिन्न मेला, पर्व, उत्सव, विद्यालयको बार्षिक उत्सव,सहकारीको बार्षिक साधारण सभा लगायतको भेला हुने कार्यक्रममा विभिन्न संघ संस्थाहरुले रक्तदान कार्यक्रम राखि धादिङमा रगत संकलन गरीदैँ आएको छ।