धादिङ अस्पतालमा प्रसूती सम्बन्धि जटिल प्रकृतिको सल्यक्रिया

धादिङ । धादिङ अस्पतालले आज जटिल प्रकृतिको सल्यक्रिया गरेको छ । शुक्रबार सिद्धलेक गाउपालिका वडा न १ की २९ बर्षिय पांचौ पटक गर्भ रहेकी गर्भवती महिला बिहान अस्पतालको प्रसूती कक्षमा आईपुगेको र डाक्टरको चेकजाँच पछि तुरुन्त अप्रेसन थ्रियटरमा लगी ईमरजेन्सी जटिल प्रकृतिको सल्यक्रिया गरेको हो ।

हिजो राती ९ बजे बाट प्रसव पिडा बढ्दै जाँदा आज बिहान पाठेघर बाट हात निस्की ह्यान्ड प्रोलाप्स भएकोमा सल्यक्रिया गरी सकुशल बच्चा निकालिएको हो । सल्यक्रिया डा. प्रदिता श्रेष्ठ, डा. रामचन्द्र रिजाल, एनेस्थोसिय असिस्टेन्ट संगीता छत्कुली, नर्सीङ बिमला तिमल्सिना महरा र कार्यालय सहयोगी सन्जु रिजालको टिमले गरेको थियो । हाल आमा र बच्चाको स्वास्थ्य अवस्था सामान्य रहेको धादिङ अस्पतालका सुचना अधिकारी रामचन्द्र रिजालले बताउनु भयो ।

धादिङ अस्पतालललाई रिफर अस्पताल भन्ने भनाईलाई पछिल्लो समय अस्पतालको सेवा सुविधाले स्थानियहरुको मन जित्न थालेको छ । पछिल्लो समय धादिङ अस्पतालको सेवामा गुणस्तर अभिवृद्धि भएको देखिन्छ ।