धादिङको सिद्धलेकबाट १२ तोला सुनको गरगहना र १२ लाख नगद चोरी

धादिङ
धादिङको सिद्धलेक गाउँपालिकाबाट १२ तोला सुनको गरगहना र १२ लाख नगद चोरी भएको छ । गाउँपालिकाको वडा नं ३ गैरीगाउँ स्थित भिम बहादुर बलकोटीको घरबाट १२ तोला सुन र १२ लाख नगद चोरी भएको हो ।

सलाङको साना किसान कृषी सहकारी संस्थाको कर्मचारी रहेकाले ऋण, किस्ता र बचत रकम संकलन गरि घरमा आफुसँग भएको सुनका गहनासँगै बाकसमा राखेको उहाँले बताउनु भयो । उहाँका अनुसार कच्चि घरको मुल ढोकाको ताला तोडी माथिल्लो तलामा रहेको एक स्टिल बाकस फोडेर सुन र नगद चोरी भएको हो।

चोरी भएको घर पुरानो घर हो, केही महिनादेखि नयाँ घरमा सुत्न थालेका थियौँ, घर सम्पन्न नभइसकेकोले सरसामान सबै पुरानै घरमा थियो, बलकोटिले भन्नुभयो ।
चोरी भएको थाहा पाएपछि बलकोटीले प्रहरीमा उजुरी गरेका छन् । प्रहरीले चोरीको घटनाबारे अनुसन्धान थालेको छ ।