सिद्धलेक गाउँपालिकामा स्वास्थ्यकर्मी, शिक्षक र महिला स्वयंसेविकाहरूका लागि अभिमुखिकरण

धादिङ । सिद्धलेक गाउँपालिकामा स्वास्थ्यकर्मी, शिक्षक र महिला स्वयंसेविकाहरूका लागि अभिमुखिकरण कार्यक्रम सम्पन्न भएको छ । गाउँपालिकाको आयोजनामा आँखा, कान, नाक, घाटी तथा मुख सम्बन्धी अभिमुखिकरण कार्यक्रम सम्पन्न भएको छ ।

पछिल्लो समयमा नाक, कान घाँटी तथा मुख बिरामी बढ्दो रहेकोले समस्याको न्यूनीकरण गर्न र उक्त रोगहरू उपचार कसरी गर्ने सरसफाई सम्बन्धी जागरुकता सिर्जना गर्ने र जनचेतना फैलाउने उद्देश्यले कार्यक्रम गरिएको स्वास्थ्य शाखा प्रमुख राम विनय शाहले बताउनुभयो अभिमुखिकरण कार्यक्रमको प्रशिक्षण धादिङ अस्पतालका डा. सन्जिव श्रेष्ठले गर्नुभएको थियो ।

गाउँपालिकाका अध्यक्ष परशुराम खतिवडाको अध्यक्षतामा सम्पन्न भएको अभमुखिकरण कार्यक्रममा उपाध्यक्ष सविता अर्याल ,सुचना अधिकारी हरि पाटा मगर, स्वास्थ्य शाखा प्रमुख राम विनय शाह लगायत स्वास्थ्यकर्मी, शिक्षक र महिला स्वयंसेविकाहरूको उपस्थिति रहेको थियो ।