गल्छी गाउँपालिकालाई पुर्ण खोपयुक्त पालिका घोषणा

धादिङ । धादिङको गल्छी गाउँपालिकालाई पुर्ण खोपयुक्त पालिका घोषणा गरिएको छ । आईतबार एक कार्यक्रमका बिच पालिकालाई पुर्ण खोप युक्त पालिका घोषणा गरिएको हो ।
जन्मेदेखी १५ महिना भित्र बालबालीकाले लगाउने १३ प्रकारका नियमित खोप लगाएको सुनिश्चित गर्न १६ महिना देखी २३ महिना भित्रका सम्पुर्ण गल्छी गाउँपालिका भित्रका बालबालिकाको घरधुरी सर्वेक्षण गएको चैत्र मसान्त सम्म सम्पन्न गरी खोप लगाउन छुटेका बालबलीकाहरुलाई समेत खोप प्रदान गरिएको स्वास्थ्य शाखा प्रमुख राम प्रसाद ज्ञावालीले बताउनुभयो ।
गल्छी गाउँपालीका तथा जिल्ला समन्वयन समिति धादिङबाट समेत अनुगमन गरि खोप सवैले प्रप्त गरेको सुनिश्चित भए पश्चात पालिकालाई पुर्ण खोप युक्त पालीका घोषणा गरिएको सवास्थ्य शाखा प्रमुख ज्ञावालीको भनाई छ ।