गल्छीको अभ्बी भरोसा अस्पतालको आयोजनामा सम्पन्न निःशुल्क स्वास्थ्य शिविरमा ३ सय जनाले सेवा लिए

धादिङ,२० बैशाख
धादिङको गल्छीमा रहेको अभ्बी भरोसा अस्पतालको आयोजनामा सम्पन्न भएको निशुल्क स्वास्थ्य शिविरमा ३ सय भन्दा बढीले सेवा लिएका छन् । अस्पतालको दोस्रो वार्षिक उत्सवका अबसरमा निःशुल्क स्वास्थ्य शिविर सञ्चालन भएको अस्पतालका सन्चालक प्रेम अधिकारीले जानकारी दिनुभयो ।

अभ्बी भरोसा अस्पताल गल्छी धादिङको आयोजना र पिपुल्स जनरल अस्पताल एण्ड डेन्टल कलेज काठमाडौंको सहयोगमा स्वास्थ्य आयोजना गरिएको हो ।स्वास्थ्य शिविरमा सहभागीहरूलाई विशेषज्ञहरूबाट आँखा, नाक कान, घाँटी, छाला, हाडजोर्नी तथा नशा, स्त्रीरोग, दाँत, बालरोग, साधारण शल्यक्रिया, साधारण स्वास्थ्य परीक्षण, ईसीजी, भिडियो एक्स–रे, ल्याब परीक्षणको सेवा प्रदान गरिएको थियो ।
स्वास्थ्य परीक्षण पश्चात विरामीहरुलाई निःशुल्क औषधि वितरण गरिएको अभ्बी भरोसा अस्पतालका सञ्चालक प्रेम बहनदुर अधिकारीले जानकारी दिनुभयो ।