ढोला स्वास्थ्य चौकीमा २ दिने निशुल्क विशेषज्ञ स्वास्थ्य शिविर संचालन

धादिङ,०८ बैशाख ।
ज्वालामुखी गाउँपालिकाको ढोला स्वास्थ्य चौकीमा २ दिने निशुल्क विशेषज्ञ स्वास्थ्य शिविर संचालन भएको छ । अन्त्राष्ट्रिय धादिङ समाजको आयोजना तथा ज्वालामुखी गाउँपालिकाको संयोजनामा निशुल्क स्वास्थ्य शिविर संचालन भएको हो ।

आज पहिलो दिन शिविरमा २७० जनाले सेवा लिएका छन् । निःशुल्क विशेषज्ञ स्वास्थ्य शिविरमा, महिला रोग विशेषज्ञ डा।सरिता सिटौला, दन्त रोग विशेषज्ञ डा.दिलिप प्रजापति, जनरल सर्जन डा. गरखनाथ मिश्र, जनरल फिजिसियन डा.अमरिश थापा ,प्रो.डा. सिताराम श्रेष्ठ विशेषज्ञ टोलिहरुले सेवा प्रदान गरेको अन्तर्राष्ट्रिय धादिङ समाजका अध्यक्ष,राजन खुकुरालले जानकारी दिनुभएको छ ।

शिविर कार्यक्रममा बोल्नुहुँदै गाउँपालिकाका अध्यक्ष यमनाथ दनैले गाउँपालिकामा स्वास्थ्य क्षेत्रमा धेरै सुधारका काम गरेको बताउनुभयो । उहाँले नागरीकाहरुलाई स्वास्थ्यमा पहुँच पु¥याउने उद्धेश्यले कार्यक्र गरिएको बताउनुभयो ।

अध्यक्ष दनैले आफु निर्वाचित भएको एक वर्ष नपुग्दै ढोला स्वास्थ्य चौकीमा २ पटक निशुल्क स्वास्थ्य शिविर कार्यक्रम गरिएको बताउनुभयो । उहाँले आगामी दिनमा पनि यस्ता कार्यक्रमलाई निरन्तरता दिने बताउनुभएको छ।

अन्त्राष्ट्रिय धादिङ समाजका सचिव राजेन्द्र थपलिएको अध्यक्षतामा संचालन भएको शिविरमा गाउँपालिकाका अध्यक्ष यमनाथ दनैको प्रमुख आतिथ्य रहेको थियो भने गाउँपालिका उपाध्यक्ष धर्म बहादुर अर्यालको विशेष आतिथ्य रहेको थियो । शिविरमा वडा नं ४ का वडा अध्यक्ष कृष्ण बहादुर गुरुङ, स्वास्थ्य शाखा प्रमुख सुजन श्रेष्ठ, वडा सदस्यहरु , गाउँकार्यपालिका सदस्य लगाएको उपस्थिति रहेको थियो ।

शिविर भोलि ९ गते पनि बिहान ९ बजेदेखी अपराह्न ५ बजे सम्म सन्चालन हुने हुँदा स्वास्थ्य समस्या भएका ज्वालामुखी गाउँपालिकाका नागरिकहरुलाई सेवा लिनको लागि अन्तराष्ट्रिय धादिङ समाजले आग्रह गरेको छ। गाउँमै विभिन्न विशेषज्ञ डाक्टरले सेवा दिने शिविर भएकोले सेवा लिनको लागि गाउँपालिकाले स्वास्थ्य परिक्षण गराउन आग्रह गरेको छ।