गर्भवती महिला र नमुना बौद्धिक अपांगता आधारभूत विद्यालयमा अण्डा वितरण

धादिङ । दशौं राष्ट्रिय पोल्ट्री दिवसको सप्ताहव्यापी कार्यक्रम अन्तर्गत हिजो धादिङमा गर्भवती महिला र नमुना बौद्धिक अपांगता आधारभूत विद्यालयमा पोषण र अण्डा महत्व बुझाउँदै अण्डा वितरण गरिएको छ ।

‘पोल्ट्री क्षेत्रको विकासमा सर्वपक्षीय सहभागिता खाद्य र पोषण सुधारः हाम्रो प्रतिबद्धता’ भन्ने नाराका साथ सप्ताहव्यापी कार्यक्रम सुरु भएको थियो । धादिङ अस्पतालको मातृशिशु स्वास्थ्य क्लिनिकमा चेकजाँच गर्न आएका ३५ जना गर्भवती महिलालाई अण्डा तथा मासु उपभोगको महत्व बुझाउँदै अण्डा बितरण गरिएको छ । त्यसैगरी नीलकण्ठ नगरपालिका नं.३ को नमुना बौद्धिक अपांगता आधारभूत विद्यालयका अपांगता र कुपोषण भएका ३० जना बालबालिकालाई अण्डा वितरण गरिएको भेटेरिनरी अस्पताल तथा पशु सेवा विज्ञ केन्द्र धादिङका प्रमुख डा।सन्दिप सिलवालले जानकारी दिनुभयो ।