नेपालमा डेङ्गि सङ्क्रमितको सङ्ख्या घट्दै, ५ दिनमा ६ सय २४ जना मात्र सङ्क्रमित

धादिङ,२१ कात्तिक ।
यो साता नेपालमा डेङ्गि सङ्क्रमण घटेको छ । वर्षायाममा एकहप्तामा ५ हजार भन्दा बढी डेङ्गीका बिरामी भेटिएकोमा अहिले यो सङ्ख्या घटेको छ। गत मङ्गलबार देखि हाल सम्म ६ सय २४ जना मात्र डेङ्गुको बिरामी भेटिएको स्वास्थ्य सेवा विभाग इपिडिमियोलोजी तथा सरुवा रोग नियन्त्रण महाशाखाले जनाएको छ ।

इपिडिमियोलोजी तथा सरुवा रोग नियन्त्रण महाशाखाका निर्देशक डाक्टर चुमनलाल दासले डेङ्गुका सङ्क्रमित विगत दुई हप्तादेखि घटेको बताउनुभयो । जाडो भएसँगै डेङ्गु सङ्क्रमण गराउने लामुखुट्टेको सक्रियता कम भएकाले डेङ्गकोबिरामी घटेको बताउनुभयो ।

महाशाखाका अनुसार नेपालमा यसवर्ष सबैभन्दा बढी डेङ्गुको बिरामी भेटिएका छन् । असारदेखि असोज मसान्तसम्म सबैभन्दा बढी डेङ्गको बिरामी भेटिएका हुन् । यसवर्ष हालसम्म ५० हजार दुई सय ६३ जना डेङ्गको बिरामी भेटिएका छन् ।

तीमध्ये ५५ जनाको डेङ्गुको कारणले मृत्यु भइसकेको इपिडिमियोलोजी तथा रोग नियन्त्रण महाशाखाले जनाएको छ । गत साउन महिनादेखि सुरु भएको डेंगु रोगको सङ्क्रमण ७७ वटै जिल्लामा फैलिसकेको छ ।