धादिङका ६ स्थानमा यात्रु सहायता कक्ष स्थापना

धादिङ,१० असोज।
धादिङमा दसैँ, तिहारलाई लक्षित गर्दै प्रहरीले यात्रु सहायता कक्ष स्थापना गरेको छ । जिल्ला प्रहरी कार्यालय धादिङले जिल्लाका ६ स्थानमा यात्रु/नागरिक सहायता कक्ष स्थापना गरेको हो।

नजिकिदै गरेको नेपालीहरुको महानचाड बडादशै‚ दिपावली तथा छठ पर्वमा हुने यात्रुको चाप,सवारी साधन चाप बढ्दै जाने बसपार्क, बजार क्षेत्रका टिकट काउन्टरमा हुने भिडभाड‚ बढी भाडा लिने‚ यात्रु ठगिने कार्यलाई नियन्त्रण गर्न र नागरिकको पिरमर्काको तत्काल सुनुवाई गरी समस्या समाधान गर्ने उद्धेश्यले यात्रु सहायता कक्षको स्थापना गरिएको जिल्ला प्रहरी कार्यालय धादिङले जनाएको छ।

प्रहरीले निलकण्ठ नगरपालिका–३ स्थित पुछारबजार‚ वेनिघाट रोराङ गाउँपालिका–९ स्थित मझिमटार, गजुरी गाउँपालिका–१ स्थित गजुरी वजार, गल्छी गाउँपालिका–७ स्थित गल्छिचोक, थाक्रे गाउँपालिका– ६ स्थित महादेववेशी र धुनिवेसी नगरपालिका–८ स्थित खानिखोलामा यात्रु/नागरिक सहायता कक्ष स्थापना गरेको छ।

सम्पर्कको लागी
निलकण्ठ न.पाؘ–३ पुछारबजार‚सम्पर्क नं.१००, ९८५१२९६९०९
वेनिघाट रोराङ गा.पा–९ मझिमटार‚सम्पर्क नं. ९८५२६९००७३
गजुरी गा.पा–१ गजुरी वजार‚सम्पर्क नं. ९८४१३९१३९८
गल्छी गा.पा–७ गल्छिचोक‚सम्पर्क नं. ९८४१८८९०५१
थाक्रे गा.पा–६ महादेववेशी‚सम्पर्क नं. ९८५८७९०१४३
धुनिवेसी न.पा–८ खानिखोला‚सम्पर्क नं. ९८५१२८५३८०

तस्विरःजिल्ला प्रहरी कार्यालय धादिङ