अन्तराष्ट्रिय बाल दिवस तथा बाल मन्दिर मा.वि को वार्षिकोत्सवमा ३५ जनाद्धारा रक्तदान

धादिङ,२८ भाद्र ।
धादिङबेशीमा आयोजित रक्तदान कार्यक्रममा ३५ जनाले रक्तदान गरेका छन् ।

मंगलबार अन्तराष्ट्रिय बाल दिवस तथा बाल मन्दिर मा.वि को ४४ औँ वार्षिक उत्सवको अवसरमा युवा रेडक्रस सर्कल बालमन्दिर मा.विद्धारा आयोजित रक्तदान कार्यक्रममा ९ जना महिला र २६ जना पुरुष गरी ३५ जनाले रक्तदान गरेको धादिङ रेडक्रसका उपमन्त्री नारायण कुमार श्रेष्ठले जानकारी दिनुभयो ।

जिल्लामा रगतको अभावलाई न्युनीकरण गर्नको लागी विभिन्न मेला, पर्व, उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ ।