धादिङका थप २३ जनामा कोरोना संक्रमण, ८ संक्रमित निको भए

धादिङ,३० साउन ।
पछिल्लो समय धादिङमा कोरोना संक्रमण तीव्र रुपमा बढ्दै गएको छ । गत २४ घण्टामा थप २३ जनामा कोरोना संक्रमण पुष्टि भएको छ।

जिल्लामा गरीएको ४८ एन्टिजेन परिक्षणमध्ये ज्वालामुखी गाउँपालिकामा ७ जना, धुनिबेसी नगरपालिकामा ५ जना, त्रिपुरासुन्दरी गाउँपालिकामा ५ जना, गंगाजमुनामा २ जना, गल्छीमा १ जना र धादिङ अस्पतालमा ३ जना गरी जिल्लामा २३ पोजिटिभ केश देखिएको स्वास्थ्य कार्यालय धादिङको तथ्याङकमा उल्लेख गरीएको छ ।

यस्तै जिल्लाका थप ८ जना डिस्चार्ज भएका छन्। हाल सक्रिय संक्रमितको संख्या ८७ पुगेको छ । र संक्रमित सबै होम आईशालेशनमा रहेका छन्।