धादिङमा बढी भाडा असुल्ने Pathao तथा InDrive राइडरहरूविरुद्ध कारबाही
नीलकण्ठ बालमन्दिर मा०बि ISO-21001 गुणस्तर प्राप्त गर्ने नेपालकै दोश्रो सामुदायिक बिद्यालय
करेन्ट लागेर धादिङको गल्छीमा एक पुरुषको मृत्यु
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
मिन्दुका माविमा संघ, प्रदेश र स्थानीय तहको झल्को दिने नमुना निर्वाचन सम्पन्न
धादिङ,०८ साउन।
नेपाली कांग्रेस निकट पत्रकारहरुको संगठन नेपाल प्रेस युनियनको केन्द्रिय उपाध्यक्षमामा धादिङका डा.मुरारी अधिकारी विजयी भएका छन् ।
पार्टी संस्थापन पक्षबाट उम्मेदवारी दिएका मकवानपुरका गिरिजा अधिकारीलाई ३६ मतान्तरले पराजित गर्दै डा. मुरारी अधिकारी बागमती प्रदेशबाट केन्द्रिय उपाध्यक्ष पदमा बिजयी भएका हुन् । अधिकारी गोरखापत्रका धादिङ संवाददाता हुन् ।
यस्तै संस्थापन पक्षबाट बरिष्ठ उपाध्यक्षमा उम्मेदवारी दिएका धादिङका सरोज अधिकारी पनि पराजित भएका छन् । उनलाई संस्थापन इतरका उम्मेदवार प्रेम केसीले पराजित गरेका हुन् ।
यस्तै युनियनको केन्द्रिय अध्यक्षमा संस्थापन इतरका शिव लम्साल विजयी भएका छन् । ८ वर्षअघि संस्थापन पक्षका बद्री सिग्देलसँग पराजित भएका लम्सालले यसपटक संस्थापनकै अनिता बिन्दूलाई पराजित गरेका छन् ।
पदाधिकारीसहित केन्द्रीय कार्य समितिका अधिकांश पदमा पनि लम्साल प्यानलकै बाहुल्य भएको छ । युनियनको महासचिवमा पनि लम्साल प्यानलकै दिलिप पौडेल निर्वाचित भएका छन् ।
खुला उपाध्यक्षमा लम्साल प्यानलबाट उम्मेदवार बनेका नेपाल प्रेसकर्मी नकुल अर्याल निर्वाचित भएका छन् । खुला उपाध्यक्षमै अर्को एक कोटामा संस्थापन पक्षका भिष्मराज ओझा बिजयी भएका छन् भने कोषाध्यक्षमा पनि संस्थापन पक्षका माधव धिताल बिजयी भएका छन् ।
प्रेस युनियन केन्द्रमा पदाधिकारी, केन्द्रीय सदस्य र केन्द्रीय लेखा समिति समेत गरी १२० जनाको प्रतिनिधित्व रहनेगरी विधानमा व्यवस्था गरेको छ। जसमध्ये अध्यक्ष १, वरिष्ठ उपाध्यक्ष १, उपाध्यक्ष १२, महासचिव १, उपमहासचिव ६, सचिव १७, कोषाध्यक्ष १ र केन्द्रीय सदस्य ७६ जना समेत गरी कुल ११५ जना रहने व्यवस्था छ ।
