थाक्रेका न्यायिक समिति र जनप्रतिनिधिलाई स्थानिय न्याय सम्पादन सम्बन्धी आवशिय तालिम 

धादिङ,०८ साउन।
धादिङको थाक्रे गाउँपालिकाका न्यायिक समिति र वडाका जनप्रतिनिधिलाई स्थानिय न्याय सम्पादन सम्बन्धी आवशिय तालिम दिइएको छ । सामाजिक कार्यमा क्रियाशिल संस्था चन्द्र ज्योती एकिकृत ग्रामिण विकास समाज(सिड्स) नेपालले गाँउपालिकामा गठन हुने न्यायिक समितिका संयोजक गाँउपालिकाका उपाध्यक्ष र बिभिन्न वडाका वडा अध्यक्ष,वडा सदस्यहरु तथा वडा सचिवहरुको उपस्थितिमा स्थानिय न्याय सम्पादन सम्बन्धी तिन दिने आवशिय तालिमको आयोजना गरिएको हो ।

सिड्स नेपालको आयोजना, संस्थागत विकास संजालको साझेदारी, BROT fur die welt को आर्थिक सहयोग तथा थाक्रे गाउँपालिकाको सहकार्यमा गल्छी गाउँपालिका ६ बैरेनीमा शुक्रबारदेखी सुरु भएको तालिम आईतबार सम्पन्न भएको हो ।

संविधान विद तथा प्रशासनिक बिज्ञ काशिराज दाहालले प्रशिक्षण दिनुभएको तालिममा स्थानीय तहको न्यायिक प्रक्रिया र कार्यविधि, सामाजिक कानुनी सहायताको अवधारणा र महत्व, स्थानीय तह सञ्चालन कार्यविधिहरु, वैकल्पीक विवाद र विभिन्न समस्याहरु, हदम्याद, म्याद र म्यादको सिद्धान्त, महिला तथा बालबालिकाविरुद्धका अपराधहरु, व्यक्तिवादी फौजदारी मुद्धाहरु तथा स्थानीय तह र सुशासनका बिषयमा सहभागीलाई आधारभुत जानकारी प्रदान गरिएको सिड्स नेपाल धादिङका कार्यकारी निर्देशक गोकर्ण रुपाखेतीले जानकारी दिनुभयो ।

तालिमले आफूहरुलाई स्थानीय तहमा के कसरी न्यान सम्पादन गर्न सकिन्छ भन्ने जानकारी भएको र आगामी दिनमा थप ज्ञान आर्जन गर्न आफूहरु लाग्ने सहभागीहरुले बताएका छन् ।