यस्तो रह्यो आधारशिला एकेडेमीमा श्री कृष्णजन्मअष्टमी

धादिङ । जिल्लाको नीलकण्ठ नगरपालिका वडा न ३ सिरानबजारमा रहेको आदर्शिला एकेडेमीले साना नानी बाबुहरुलाई कृष्णको अभिनय गर्न लगाई श्री कृष्णजन्मअष्टमी मनाएको छ ।

ज्ञानयोग, कर्मयोग र भक्तियोगका प्रणेता भगवान श्रीकृष्णको जन्म द्वापरयुगको अन्त्यतिर भाद्रकृष्ण अष्टमीको मध्यरातमा भएको सम्झनामा आजको दिनमा श्रीकृष्ण जन्माष्टमी पर्व मनाउने गरिएको हो ।

दुर्जनको विनाश गरी सज्जनको रक्षाका लागि भगवान विष्णुको आठौँ अवतारका रुपमा श्रीकृष्णको जन्म भएको शास्त्रमा वर्णन गरिएको बताइन्छ ।

संस्कृतिको संरक्षण गर्ने उद्देश्यले यस पर्वमा साना नानी बाबुहरुलाई मनोरन्जनात्मक तवरले कृष्णको अभिनय गर्न लगाउँदै श्रीकृष्ण जन्माष्टमी मनाएको बिद्यालयलले जानकारी दिएको छ ।