नीलकण्ठ नगरपालिका सहित १० स्थानीय तहका विद्यालयमा भोलि बिदा

धादिङ,८ असोज
भारी वर्षा तथा सम्भावित बाढीपहिरोको जोखिमलाई ध्यानमा राख्दै नीलकण्ठ नगरपालिका सहित जिल्लाका विभिन्न स्थानीय तहमा भोली सार्वजनिक दिईएको छ । सामुदायिक तथा संस्थागत विद्यालयहरुलाई भोली सार्वजनिक विदा दिने निर्णय भएको हो । नीलकण्ठ नगरपालिकाका प्रमुख प्रशासकीय अधिकृत हरिदत्त कंडेद्वारा आज जारी सूचनाअनुसार विद्यार्थी, शिक्षक तथा कर्मचारीको सुरक्षाका लागि एक दिन विद्यालय बन्द गर्ने निर्णय गरिएको हो।

सूचनामा असोज ९, १० र ११ गते देशका विभिन्न स्थानमा भारीदेखि अति भारी वर्षाको पूर्वानुमान रहेको उल्लेख छ। उक्त अवधिमा बाढी, पहिरो तथा डुबानको जोखिम हुन सक्ने जनाइएको छ। शिक्षा तथा खेलकुद मन्त्रालयको असोज ७ गतेको पत्रसमेतका आधारमा आजको नगरप्रमुखस्तरीय निर्णयअनुसार विद्यालयमा बिदा दिइएको नगरपालिकाले जनाएको छ। यसैगरी भोली धुनिवेशी नगरपालिका,थाक्रे गाउँपालिका,गल्छि गाउँपालिका,गजुरी गाउँपालिका,नेत्रावती डबजोङ गाउँपालिका,खनियावास गाउँपालिका,गंगाजमुना गाउँपालिका,त्रिपुरासुन्दरी गाउँपालिका र रुवीभ्याली गाउँपालिकाले पनि भोली सार्वजनिक विदा दिने निर्णय गरेका छन् ।