बिरामी अवस्थामा भेटिएका वृद्धको उद्धार, उपचार जारी

प्रहरीका अनुसार उद्धार गरिएका वृद्धले आफ्नो नाम भुवन भुषाल र घर झापा जिल्ला भएको बताउने गरेका छन्। करिब ७० वर्ष उमेरका ती व्यक्ति विगत ९/१० वर्षदेखि धादिङका विभिन्न स्थानमा घर निर्माणसम्बन्धी काम गर्दै आएका थिए। उनी नीलकण्ठ–७ को हिटी क्षेत्रमा रहेको खाली घरमा बिरामी अवस्थामा बसिरहेको अवस्थामा फेला परेका थिए।

उद्धारपछि अस्पतालमा उपचार गराइरहेको र हाल उनको स्वास्थ्य अवस्था सामान्य रहेको प्रहरीले जनाएको छ। यद्यपि ती वृद्धको वास्तविक पहिचान भने खुल्न सकेको छैन।

जिल्ला प्रहरी कार्यालय धादिङले उक्त व्यक्तिको पहिचान खुलाउन सहयोग गर्न सर्वसाधारणसँग अनुरोध गरेको छ। उनलाई चिन्ने, घर–ठेगाना थाहा पाउने वा अभिभावक हुने व्यक्तिले जिल्ला प्रहरी कार्यालय धादिङको सम्पर्क नम्बर ९८५१२८३४८० (सञ्चार शाखा) वा ९८५१२२९८६० (सूचना अधिकारी) मा सम्पर्क गर्न आग्रह गरिएको छ।