प्रचण्ड यही २४ गते धादिङ आउने

धादिङबेशी । नेकपा (माओवादी केन्द्र)का अध्यक्ष तथा पूर्वप्रधानमन्त्री पुष्पकमल दाहाल {प्रचण्ड}  यही भाद्र २४ गते धादिङ आउनुहुने भएको छ । मध्यपहाडी लोकमार्ग जनजागरण अभियान अन्तर्गत पार्टीका कार्यक्रमलाई सम्बोधन गर्न प्रचण्ड धादिङ आउन लाग्नु भएको हो ।

प्रचण्ड गोरखाबाट २३ गते सल्यानटार आइ बास बस्ने र भोलिपल्ट (२४ गते) पार्टी प्रशिक्षण तथा जनसंवादमा सहभागी हुने कार्यक्रम रहेको माओवादी केन्द्र धादिङका इन्चार्ज पुष्पबिक्रम मल्लले जानकारी दिनुभयो। प्रचण्डले सल्यानटार, खहरे, चरङ्गे हुँदै नेत्रावती डवजोङको भर्‍याङभरुङलगायतका स्थानमा कार्यकर्ताहरूसँग भेटघाट गर्ने र त्यहाँबाट नुवाकोट प्रस्थान गर्ने कार्यतालिका तय भएको बताईएको छ ।

जनजागरण अभियानमा प्रचण्डसँगै पार्टीका अन्य शीर्ष पदाधिकारीहरू पनि सहभागी हुने माओवादी केन्द्रले जनाएको छ।