उत्तराखण्डमा धादिङका चार जना सम्पर्कविहीन

धादिङ, साउन २३ गते ।
भारतको उत्तराखण्डमा धादिङका चार जना समेत सम्पर्कविहीन भएका छन्। प्रमुख जिल्ला अधिकारी सुमन घिमिरेका अनुसार ज्वालामुखी गाउँपालिका–२ काफलपानीका लालबहादुर तामाङ, छोलामा तामाङ, फेलामा तामाङ र सिंहबहादुर तामाङ सम्पर्कविहीन भएका हुन् ।

घिमिरेका अनुसार उनीहरू कामका सिलसिलामा उत्तराखण्ड गएका थिए। उनीहरू सम्पर्कविहीन भएको जानकारी परिवारका सदस्यहरूले दिएको र खोजीका लागि गृह मन्त्रालयमार्फत भारतीय दूतावासलाई आग्रह गरिएको उहाँले बताउनुभयो ।

साउन २० गते भारत उत्तराखण्डको उत्तरकाशी जिल्लाको धराली गाउँमा अचानक आएको बाढी र पहिरोले ठूलो जनधनको क्षति पु¥याएको छ । त्यहाँ खोज तथा उद्धार कार्य जारी छ ।