ज्वालामुखी–६ को सालवास आ.विका विद्यार्थीहरुलाई शैक्षिक सामग्री वितरण

धादिङ, २६ मंसिर ।
ज्वालामुखी गाउँपालिका वडा नं ६ स्थित सालवास आधारभूत विद्यालयका विद्यार्थीहरूलाई शैक्षिक सामग्री वितरण गरिएको छ। लायन्स इन्टरनेशनल क्लब ३२५ को सहयोगमा विद्यालयका एक सय एघार (१११) जना विद्यार्थीहरूलाई सामाग्री वितरण गरिएको हो ।

कार्यक्रममा विद्यार्थीहरूलाई एक थान ट्याक सेट, जुत्ता–मोजा, झोला, कलम, पेन्सिल, र कापी वितरण गरिएको थियो। यो सहयोगले विद्यार्थीहरूको शैक्षिक यात्रालाई थप सहज बनाउने विश्वास गरिएको छ।

वडा नं ६ का अध्यक्ष किशोर सेढाईंका अनुसार, विद्यार्थीहरूको पढाइप्रतिको अभिरुचि बढाउन र उनीहरूको आवश्यकतालाई मध्यनजर गर्दै सामाग्री वितरण गरिएको हो। साथै, उहाँले आगामी दिनमा पनि यस्ता सहयोगात्मक कार्यक्रमलाई निरन्तरता दिने प्रतिवद्धता व्यक्त गर्नुभएको छ ।

कार्यक्रममा विद्यालयका शिक्षक, अभिभावक, र स्थानिय प्रतिनिधिहरूको समेत उपस्थिति रहेको थियो। यो सहयोगले विद्यार्थीहरू र उनीहरूका परिवारमा सकारात्मक प्रभाव पारेको भन्दै विद्यालयले धन्यवाद व्यक्त गरेको छ । साथै आगामी दिनहरुम पनि सहयोगलाई निरन्तरता दिनुहुन अनुरोध गर्नुभएको छ ।

त्यसैगरी सालबास आधारभूत विद्यालयका विद्यार्थीहरुलार्ई सहयोग गर्न ज्वालामुखी गाउँपालिका वडा नं ७ पुग्नुभएका लायन्स क्लब ३२५ को टोलीले प्रसिद्ध धार्मिक स्थल अनकन्या मन्दिरको दर्शन गर्नुभएको छ । उक्त टोलीले मन्दिरको दर्शनसँगै त्यस क्षेत्रका रमणीय दृश्यहरूको अवलोकन गर्दै प्राकृतिक तथा सांस्कृतिक महत्त्वको अनुभव गर्नुभयो ।

ज्वालामुखी गाउँपालिकामा अनकन्या मन्दिरबाहेक घुम्नलायक अन्य धेरै महत्वपूर्ण स्थलहरू रहेका छन्।
जस्तै :
जलमूखी मन्दिर – ज्वालामुखी ६ काउलेडाडा
खण्कदेबि मनदिर मैदि कोट – ज्वालामुखी ३ मैदि
ढोला बसाह मण्डली – ज्वालामुखी ४ ढोला
खरिकोट मन्दिर – ज्वालामुखी ५ खरि
खरिको राम्चे डाडा – ज्वालामुखी ५ खरि
ढोलाको ढकाल चौतारा – ज्वालामुखी ४ ढोला
चित्रेकालिका मन्दिर – ज्वालामुखी ६ हुलाकभन्ज्याङ
नमुना बस्ति चिलौने चौतारा – ज्वालामुखी ४ ढोला

गाउँपालिकाले आन्तरिक तथा बाह्य पर्यटकहरूलाई यस्ता ऐतिहासिक र सांस्कृतिक स्थलहरूमा पु¥याउन सकिने हो भने प्रचारप्रसार र पर्यटन विकासमा महत्वपूर्ण योगदान पुग्ने विश्वास व्यक्त गरेको छ । यस्ता स्थलहरूको संरक्षण र प्रचारप्रसार गर्न सकेमा पर्यटनले स्थानीय अर्थतन्त्रमा सकारात्मक प्रभाव पार्ने र समग्र विकासमा मद्दत पु¥याउने अपेक्षा गरिएको गाउँपालिकाले जनाएको छ ।