धादिङमा बढी भाडा असुल्ने Pathao तथा InDrive राइडरहरूविरुद्ध कारबाही
धादिङमा परमेश्वरको मण्डलीद्वारा सरसफाइ तथा वातावरणीय सचेतना कार्यक्रम
भतिजको खुकुरी प्रहारबाट गम्भीर घाइते भएका वृद्धको उपचारको क्रममा निधन
करेन्ट लागेर धादिङको गल्छीमा एक पुरुषको मृत्यु
नीलकण्ठ बालमन्दिर मा०बि ISO-21001 गुणस्तर प्राप्त गर्ने नेपालकै दोश्रो सामुदायिक बिद्यालय
नागढुङ्गा–नौबिसे सडकखण्ड दिउँसोको समयमा साढे ४ घण्टा बन्द हुने
धादिङ,२५ चैत्र ।
जिल्ला अनुगमन समिति धादिङले जिल्लाका ३ स्थानिय तहका विभिन्न क्षेत्रमा संचालित ४६ वटा फर्महरूको अनुगमन गरेको छ । धादिङको त्रिपुरासुन्दरी गाउँपालिका, ज्वालामुखी गाउँपालिका र नेत्रावती डबजोङ गाउँपालिकाका विभिन्न क्षेत्रमा संचालित ४६ वटा फर्महरुको अनुगमन गरेको हो ।
चैत्र १४ गतेदेखि २३ गतेसम्म गरिएको अनुगमनमा ४६ वटा फर्म मध्ये बिल विजक नभएको, खाद्य अनुज्ञापत्र नभएको, लेबल नभएको सामानको विक्रि वितरण गर्ने ८ वटा र्फमलाई ५० हजार जरिवाना गरिएको जिल्ला बजार अनुगमन समितिका संयोजक सहायक प्रमुख जिल्ला अधिकारी हुमनाथ पराजुलीले बताउनुभयो ।
त्रिपुरासुन्दरी गाउँपालिका वडा नं २ को मधु फे्रस बेकरी एण्ड फुड कर्नर र हरि पाउरोटि भण्डारलाई १०÷१० हजार जरिवाना गरिएको छ ।
त्यसैगरी ज्वालामुखी गाउँपालिका वडा नं २ सातदोबाटो स्थित न्यु मनकामना इन्टरप्राइजेज, खड्कादेवी इन्टरप्राइजेज, मनोज किराना पसल, भारती होटल र दर्ता नभएको एक खाजा घरलाई ५/५ हजार जरिवाना गरिएको छ ।
त्यस्तै नेत्रावती डबजोङ गाउँपालिका वडा नं ४ भर्याङभुरुङ स्थित श्रेष्ठ होटल एण्ड खाजा घरलाई ५ हजार जरिवाना गरिएको जिल्ला अनुगमन समितिले जनाएको छ ।
कारवाहीमा परेका सबै पसल/खाद्य स्टोर, होटल तथा र्फमहरुलाई उपभोक्तासंरक्षण ऐन, २०७५ बमोजिम जरिवाना गरिएको जिल्ला बजार अनुगमन समितिका सदस्य एवंम उद्योग तथा वाणिज्य कार्यालय धादिङका प्रमुख मेघनाथ गौतमले बताउनुभयो ।
जिल्ला बजार अनुगमन समितिका संयोजक सहायक प्रमुख जिल्ला अधिकारी हुमनाथ पराजुलीको गरिएको अनुगमनमा उद्योग तथा वाणिज्य कार्यालय, धादिङ, सम्बन्धित स्थानीय तह, स्थानीय प्रहरी, राष्ट्रिय उपभोक्ता मन्च, उपभोक्ता हित संरक्षण मञ्च तथा पत्रकार महासंघका प्रतिनिधिहरूको सहभागिता रहेको थियो ।
अनुगमन टोलिले करिव ३८ हजार रूपैयाँ बराबरको म्याद नाघेको सामाग्री जफत तथा नष्ट गरेको छ ।
