स्वास्थ्य कार्यक्रमहरुको वार्षिक समिक्षा : नीलकण्ठ नगरपालिका प्रथम, त्रिपुरासुन्दरी द्धितीय र ज्वालामुखी तृतीय

धादिङ । धादिङमा सम्पादित स्वास्थ्य कार्यक्रमहरुको जिल्ला स्तरीय वार्षिक समिक्षा कार्यक्रम सम्पन्न भएको छ ।

स्वास्थ्य कार्यालय धादिङको आयोजनामा शुक्रबारदेखि सुरु धादिङबेशीमा भएको १३ वटै स्थानीय तहका स्वास्थ्य संस्थारुको वार्षिक समिक्षा तथा योजना तर्जुमा गोष्ठी शनिबार सकिएको हो । कार्यक्रममा सबै स्वास्थ्य संस्थाका प्रमुख तथा प्रनितिधीले आ–आफ्नो स्वास्थ्य संस्थाले गर्दै आएको गतिविधीहरुको बारेमा जानकारी गराएका थिए ।
सुरक्षित मातृत्व, खोप, परिवार नियोजन, क्षयरोग, पर्याप्त जनशक्ति लगायत २१ वटा सूचकको आधारमा जिल्लाको सबै स्वास्थ्य संस्था मध्ये नीलकण्ठ नगरपालिका प्रथम, त्रिपुरासुन्दरी गाउँपालिका द्धितीय र ज्वालामुखी गाउँपालिका तृतीय स्थानमा पर्न सफल भएको स्वास्थ्य कार्यालय धादिङका प्रमुख डाक्टर नरेन्द्र झाले जानकारी दिनुभयो । बागमती प्रदेश सरकारका स्वास्थ्य मन्त्री उत्तम जोशीले शुक्रबार कार्यक्रमको उद्घाटन गर्नुभएको थियो ।