श्री ५ को बायुगुठी पीडितहरुको समस्या समाधान गर्ने धादिङका नेताहरुको प्रतिबद्धता

धादिङ २७ कात्तिक । धादिङको नीलकण्ठ नगरपालिका वडा न १० र ११ ज्यामरुङ तथा नेत्रावती डवजोङ गाउपालिका वडा न ५ कटुन्जेका श्री ५ को बायुगुठी पीडितहरुको समस्या समाधान गर्ने धादिङका शिर्ष नेताहरुले प्रतिबद्धता जनाएका छन् ।
हिजो ज्यामरुङमा आयोजित गुठी समस्या समधानको लागी आयोजित आम भेलालाई सम्बोधन गर्दै धादिङका सवै शिर्ष नेताहरुले समस्या समधान गर्ने प्रतिवद्धता ब्यक्त गरेका हुन् ।

आम भेलालाई सम्वोधन गर्दै नेकपा माओवादी केन्द्रका पोलिटब्यूरो सदस्य विक्रम मल्ल,बागमती प्रदेशका सहसचिव धन बहादुर बुर्लाकोटि, जिल्ला संयोजक मनराज भण्डारी, माओवादी केन्द्रका प्रदेश सभाका सदस्य उम्मेद्वार जगत सिम्खडा,समानुपातिक उम्मेदवार सोम्बोले तामाङ अक्कल र नीलकण्ठ नगरपालिकाका उप मेयर दिपक विश्वकर्मा लगाएतले समस्या समधान गर्ने प्रतिवद्धता ब्यक्त गरेका छन् ।

त्यसैगरी नेपाली काग्रेसका केन्द्रिय सदस्य दिलमान पाख्रिन, धादिङ क्षेत्र न २ का संघिय सांसदका उम्मेद्वार तथा नेपाली काग्रेसका सभापती रामनाथ अधिकारी,पुर्व सभापती रमेश धमला,नीलकण्ठ नगरपालिका प्रमुख भीम प्रसाद ढुङ्गना लगाएतले सभाको अवसरमा प्रतिवद्धता जनाएका हुन् । सभामा नेकपा एमाले बाट धादिङ क्षेत्र न २ का सघिय सांसदका उम्मेद्वार खेम प्रसाद लोहनीले पनि प्रतिवद्धता ब्यक्त गरेका छन् । धादिङको ज्यामरुङ, कटुञ्जेका श्री ५ को बायुगुठी पीडितहरुलाई लालपुर्जा दिनका लागि आफू प्रतिवद्ध रहेको बताउनुभएको छ । त्यसैगरी एकिकृत समाजवादीका केन्द्रिय सदस्य गुरुप्रसाद बुर्लाकोटि पनि गुठी समस्या समधानको लागी आफ्नो प्रतिवद्धता ब्यक्त गरेका छन् । सभालाई सम्वोधन गर्दै राप्रपाका केन्द्रिय सदस्य परशुराम तामाङले पनि गुठी समस्या समधान गर्न आफु प्रतिवद्ध रहेको बताएका छन् ।

आम भेलाको अवसरमा नेत्रावती डवजोङ गाउपालिकाका उपाध्यक्ष सितामाया तामाङ लगाएतले सभाको अवसरमा धादिङ ज्यामरुङ र कटुन्जेकोे श्री ५ को बायुगुठी पीडितहरुको समस्या समाधान प्रतिवद्धता ब्यक्त गरेका हुन् । धादिङका नेताहरुले एकै स्वरमा ऐन कानुन निर्माण गरि नितिगत रुपमा नै लाजपुर्जा प्राप्तीको लागी आफुहरु समस्या समधान नभए सम्म लागीरहने बताएका छन् ।