मैदीभन्ज्याङमा मलामी बोकेको स्वराज ट्रक दुर्घटना,,११ जना घाईते

धादिङ,०४ असार ।
नीलकण्ठ नगरपालिका–८ मैदीभन्ज्याङमा मलामी बोकेको स्वराज ट्रक दुर्घटना हुँदा ११ जना घाईते भएका छन् ।

शुक्रबार राति करिब १० बजे मलामी बोकेर ज्वालामुखी गाउँपालिका–३ मैदी जाँदै गरेको बा ४ ख १२२९ नम्बर को स्वराज ट्रक आफै अनियन्त्रीत भई सडकमा दुर्घटना भएको जिल्ला प्रहरी कार्यालय धादिङले जनाएको छ ।

घाईते ११ जना मध्ये ज्वालामुखी–२ का ४६ वर्षीय शिव कुमार श्रेष्ठ, वडा नम्बर ३ का १५ वर्षीय अशोक श्रेष्ठ, सोही ठाउँका ४० वर्षीय पदम बहादुर मगर, २५ वर्षीय नारायण श्रेष्ठ र धन बहादुर मगरको भने काठमाण्डौंको ट्रमा सेन्टरमा उपचार भईरहेको छ । घाईते ६ जनाको भने धादिङ अस्पतालमा उपचार पश्चात् डिस्चार्ज भईसकेको प्रहरीले जनाएको छ ।

घाईतेहरुको नेपाल प्रहरी,धादिङ रेडक्रस, धादिङ सोसियल भोलेन्टियर, एम्बुलेन्स चालक समाज र स्थानीयको सहयोगमा उद्वार गरिएको थियो । ट्रकका चालकलाई प्रहरीले नियन्त्रणमा लिएको छ ।