नीलकण्ठको राजनीतिमा तरंगः प्राध्यापक डा. देवी प्रसाद अधिकारी रास्वपामा प्रवेश, मेयरको चर्चा चुलिँदै
शिक्षा मन्त्री महावीर पुनको आग्रहः “शिक्षामा नीलकण्ठ नगरपालिका जस्तै निःशुल्क गर्नु”
धादिङ–२ बाट रास्वपाका उम्मेद्वार बन्न राजन आर्यालको आकांक्षा
धादिङ क्षेत्र नं. २ मा ज्युँदा शहीदको चर्चा : राम बहादुर भण्डारी एक नम्बरमा सिफारिस
हर्क साम्पाङको श्रम संस्कृति पार्टीले आज धादिङमा जिल्ला भेला गर्दै
क्षेत्री महिला समाज धादिङको अध्यक्षमा अधिकारी
धादिङ,२३ बैशाख ।
सरकारले मतदाता शिक्षा नदिएका कारण अलमलमा परेका मतदाताहरुलाई नेकपा एमालेले गंगाजमुना र त्रिपुरासुन्दरी गाउँपालिकाका विभिन्न स्थानहरुमा मतदातालाई भोट हाल्ने तरिका सिकाउन सुरु गरेको छ । त्रिपुरासुन्दरी गाउँपालिका वडा नम्बर ५ मा मतदाताहरुको माग बमोजिम एमालेले कर्याकर्ता खटाएर मतदान गर्ने तरिका सिकाइरहेको छ । त्रिपुरासुन्दरी गाउँपालिका वडा नम्बर १ र २ मा समेत मतदान गर्ने तरिका सिकाउन सुरु गरिएको गाउँपालिका उपाध्यक्ष उम्मेदवार संगिता कुमालले बताउनुभयो ।
गंगाजमुना गाउँपालिकाका मतदाताहरु सचेत नभएको ठाउँहरुमा मतदाता शिक्षा सुरु गरिएको छ । खासगरि निर्वाचन चिन्हमा छाप लगाउनका लागि कार्यकर्ताको समूह नमुना मतपत्र दिएर गाउँ पठाइएको छ । गाउँगाउँमा पठाइएको नमुना मतपत्रमा जिल्लाको चुनाव चिन्हहरु छन् । गाउँबासीहरु मतदान गरिरहेको भएपनि यस पटक ठूलो स्थानीय तहको मतपत्र भएकोले सिक्नु पर्ने अवस्थामा मतदाताहरु रहेको बताएपछि नेकपा एमालेले भोट हाल्न सिकाउन थालेको हो ।
गल्छी गाउँपालिका वडा नम्बर ५, ६ र ७ का बस्तीहरुमा मतदाताहरुलाई मतदान गर्ने सम्बन्धी विषयमा एमाले कार्यकर्ताहरु मतदान गर्न सिकाउन थालेका छन् । नमूना मतपत्र लिएर गाउँगाउँ पुगेर मतदान सिकाउन थालिएको हो । यस्तै एमालेले मतदाता भेटघाट तथा घरदैलो कार्यक्रम संचालन गरिरहेको छ ।
धादिङको १३ पालिकाका सबै टोल र वडाहरुमा घरदैलो तथा मतदाता भेटघाट भइरहेको छ । नेकपा एमालेले मतदाता भेटघाट गर्दा उनिहरुको समस्या समेत संकलन गर्ने र आफूले विजय हासिल गरेपछि मतदाताको गुनासो र कार्यक्रमहरुलाई योजनामा समाबेश गरेर काम गर्ने प्रतिवद्धताहरु समेत जनाइरहेका छन् ।
धुनिबेसी नगरपालिकाको वडा नम्बर ४ मा मेयरका प्रत्यासी रामराजा पाण्डे, उपमेयर प्रत्यासी मन्दीरा श्रेष्ठ, लगायतका कार्यकर्ताहरुको सहभागितामा मतदाता भेटघाट तथा घरदैलो कार्यक्रम भएको छ । सामाजिक सुरक्षा कार्याक्रम, व्यवस्थीत योजना सहित कार्यक्रम गर्न मतदाताहरुले गाउँगाउँबाट शुभकामना सहितको आसिर्वाद समेत दिएका छन् ।
गजुरी गाउँपालिका वडा नम्बर ५ को पिडा छापगाउँ, वडा नम्बर १ को हमालगाउँ, रातमाटे, उप्रेतीगाउँ, नयाँबारी लगायतका क्षेत्रमा मतदाता भेटघाट भएको छ । यसैगरि वडा नम्बर ६ को भदौरेमा घरदैलो संचालन गरिएको छ । निलकण्ठ नगरपालिकाको रिजालथोक, खानीगाउँ लगायतका स्थानहरुमा घरदैलो गरिएको छ ।
निलकण्ठ नगरपालिका मेयरका प्रत्यासी गंगादेबि श्रेष्ठ, वडा अध्यक्ष हरी श्रेष्ठ लगायतको सहभागिता रहेको मतदाता भेटघाटमा मतदाताहरुले सडक, कृषिमा लगानी बढाउनुपर्ने, बजार व्यवस्थापन गर्नुपर्ने जस्ता विषयहरु उठाएका थिए। नेकपा एमालेका उम्मेदवारहरु घरघर पुगेर मतदाताहरुलाई भेट गरेका थिए। काम गरिरहेको खेतबारी पुग्ने, आफूले जितेमा विकासको काम गर्ने प्रतिवद्धताहरु समेत व्यक्त गर्ने गरेका छन् ।
