वडा अधिवेशनको पूर्वसन्ध्यामा धादिङ कांग्रेसका तीन नेताको साझा प्रतिबद्धता : ‘पार्टीको बृहत्तर हितका लागि हामी एक ठाउँमा छौं’
बाढीपीडितका लागि ज्वालामूखीका कर्मचारीले सात दिनको तलब सहयोग गर्ने
बाढी प्रभावित नुवाकोटको अक्करेमा पतञ्जली योग समिति धादिङद्वारा सामूहिक भोजन सेवा
रसुवा बाढीपहिरोमा नीलकण्ठका २९ जनाको मृत्यु पुष्टि, नगरपालिकाले खोज, उद्धार र अन्त्येष्टि खर्च व्यहोर्ने,भोलि शोक विदा दिने निर्णय
वडा अध्यक्ष अक्षय कोष, नीलकण्ठ कर्मचारी र ब्याडमिन्टन खेलाडीको सहयोगमा नुवाकोटमा राहत वितरण
नेपाल क्षयरोग निवारण संस्था धादिङको अध्यक्षमा श्रीकृष्ण अधिकारी चयन
धादिङ,११ बैशाख ।
सत्तारुढ गठबन्धनले धादिङका स्थानीय तहको भागबन्डा टुंग्याएको छ । गठबन्धनले आईतबार धादिङका स्थानीय तहका प्रमुख र उपप्रमुखमा भागबन्डा टुंग्याएको हो ।
१३ वटा स्थानीय तहमध्ये थाक्रे गाउँपालिकामा भने गठबन्धनको जिल्ला स्तरीय संयन्त्रले समन्वय गरी टुंग्याउनेसहमति भएको छ । बाँकी १२ स्थानीय तहमा भागबन्डा टुंग्याइएको हो ।
जिल्लामा नेपाली काग्रेसले ७ वटा प्रमुख र ४ वटा उपप्रमुख, नेकपा माओवादी केन्द्रले ३ वटा प्रमुख र ४ वटा उपप्रमुख र एकिकृत समाजबादीले २ वटा प्रमुख र ४ वटा उपप्रमुखमा भागबन्डा गरि तालमेलको लागी निर्णय गरेका हुन् ।
सहमती पत्रमा नेपाली काग्रेसको तर्फ बाट बागमती प्रदेश सभापति ईन्द्र बानिया, माओबादीबाट बागमती प्रदेशका अध्यक्ष सरल सहयात्री र नेकपा एकिकृत समाजबादी बाट बागमती प्रदेशका इन्चार्ज केदार प्रसाद न्यौपानेले हस्ताक्षर गरेका छन् ।
जिल्लामा करिब एक साता अघिदेखि लामो छलफल र चर्को रस्साकस्सीपछि पनि गठबन्धन दलका नेताहरुबीच भागवण्डाको विषयमा सहमति जुट्न नसकेपछि जिल्लाको नेतृत्वमा रहेका गठबन्धनका नेताहरु प्रदेश कमिटीलाई गुहार्न पुगेका थिए । प्रदेशस्तरीय नेतासहितको छलफलबाट १२ वटा स्थानीय तहमा भागवण्डामा मिलेको बताईएको छ ।
भागवण्डामा निलकण्ठ नगरपालिकाको प्रमुखमा नेपाली कांग्रेस र उपप्रमुखमा नेकपा माओबादी केन्द्रको उम्मेदवार रहने भएको छ । धुनिबेसी नगरपालिकाको प्रमुखमा एकीकृत समाजवादी र उपप्रमुखमा नेपाली कांग्रेस, खनियाबासको अध्यक्षमा कांग्रेस र उपाध्यक्षमा माओवादी केन्द्र, सिद्धलेकको अध्यक्षमा कांग्रेस र उपाध्यक्षमा एकीकृत समाजवादीको उम्मेदवार रहने छन् ।
त्यसैगरी रुवीभ्यालीको अध्यक्षमा माओवादी केन्द्र र उपाध्यक्षमा कांग्रेस, गंगाजमुनाको अध्यक्षमा कांग्रेस र उपाध्यक्षमा एकीकृत समाजवादी, गल्छीको अध्यक्षमा एकीकृत समाजवादी र उपाध्यक्षमा कांग्रेस, गजुरीको अध्यक्षमा माओवादी केन्द्र र उपाध्यक्षमा कांग्रेसको उम्मेदवार रहने छन् ।
त्यस्तै ज्वालामुखीको अध्यक्षमा कांग्रेस र उपाध्यक्षमा एकीकृत समाजवादी, त्रिपुरासुन्दरीको अध्यक्षमा कांग्रेस र उपाध्यक्षमा माओवादी केन्द्र, नेत्रावती डवजोङको अध्यक्षमा कांग्रेस र उपाध्यक्षमा माओवादी केन्द्र र बेनिघाट रोराङको अध्यक्षमा माओवादी केन्द्र र उपाध्यक्षमा एकीकृत समाजवादीको उम्मेदवार रहने छन् । जिल्लाको थाक्रे गाउँपालिकामा भने पाँच दलीय गठबन्धनको जिल्ला स्तरीय संयन्त्रले समन्वय गरी टुङ्ग्याउने सहमती भएको छ ।
यसअघिको निर्वाचनमा कांग्रेसले नीलकण्ठ नगरपालिका, ज्वालामूखी गाउँपालिका र खनियावास गाउँपालिकाको प्रमुख जितेको थियो भने माओवादी केन्द्रले वेनिघाट रोराङ गाउँपालिकाको प्रमुख जितेको थियो ।
धादिङमा सत्तारुढ तीनदलीय गठबन्धनमा भागबण्डाको विषयलाइ लिएर स्थानीय नेता–कार्यकर्ता असन्तुष्ट भएका छन् । स्थानीय अवस्थाको अध्ययन नै नगरी जिल्लाका स्थानिय तहमा गठबन्धन गरिएको भन्दै स्थानीय नेता–कार्यकर्ता असन्तुष्ट बनेका हुन् । असन्तुष्ट नेता कार्यकर्ताहरुले नेतृत्वलाई दवाव दिन जिल्ला पार्टी कार्यालयमा ताला समेत लगाएका छन् ।
यसैगरी सत्तारुढ गठबन्धनमै रहेको अर्को दल जनता समाजवादी पार्टीको धादिङमा कमजोर संगठन रहेको भन्दै पालिका प्रमुख र उपप्रमुखको भागबण्डाबाट अलग गरिएको छ ।
