त्रिपुरासुन्दरी गाउँपालिकामा जैविक विविधता संरक्षण तथा जलवायु अनुकुलन सम्बन्धी कार्यक्रम सम्पन्न

धादिङबेशी,२२ असार । धादिङको त्रिपुरासुन्दरी गाउँपालिकामा जैविक विविधता संरक्षण तथा जलवायु अनुकुलन सम्बन्धी कार्यक्रम सम्पन्न भएको छ । त्रिपुरासुन्दरी गाउँपालिकाको आयोजना तथा बिन्दुकेशरा मिडिया प्रा.लि.को संयोजनमा उक्त कार्यक्रम सम्पन्न भएको हो ।

पालिकाको सभाहलमा सम्पन्न कार्यक्रममा त्रिपुरासुन्दरी गाउँपालिका भित्र रहेका वन समितिका पदाधिकारी तथा जनप्रतिनिधिहरुको सहभागिता रहेको थियो । स्थानिय वन उपभोक्ता समुह र जनप्रतिनिधिहरुमा जैविक विविधता संरक्षण,जंगल तथा वातावरण ब्यवस्थापन तथा जलवायु परिवर्तन अनुकुलन सम्बन्धी ब्यवहारिक ज्ञान र क्षमता बिकास गर्ने उदेश्यले कार्यक्रमको आयोजना गरिएको थियो ।

त्रिपुरासुन्दरी गाउँपालिकाका अध्यक्ष राजु उप्रेतीको अध्यक्षतामा सम्पन्न कार्यक्रममा पालिकाका उपाध्यक्ष देवराज धरेल,प्रमुख प्रशाशकीय अधिकृत विरसिंह भण्डारी,वडा अध्यक्षहरु हरि बहादुर बिक,कपिलदेव सिंम्खडा लगाएतको उपस्थिति रहेको थियो ।

कार्यक्रममा वन ब्यवस्थापनको बिषयमा सव डिभिजन वन सल्यानटारका रेन्जर अनिता अधिकारी, जैविक विविधता,जलवायु अनुकुलन सम्बन्धी रमेश अधिकारी र मोटिभेसन तथा सक्सेस स्टोरीको सम्बन्धी सेसन राम कुमार थापाले सहजीकरण गर्नु भएको थियो ।

कार्यक्रममा वन उपभोक्ता समितिका ७५ जना पदाधिकारीहरुको उपस्थिति रहेको थियो । कार्यक्रममा वन उपभोक्ता समितिको दिगो ब्यवस्थापनको लागी आगामी कार्ययोजना समेत निर्माण गरिएको थियो ।

तालिम पश्चात सहभागीहरुले कार्यक्रम एकदमै प्रभावकारी भएको प्रतिक्रिया दिएका थिए ।