धादिङमा बढी भाडा असुल्ने Pathao तथा InDrive राइडरहरूविरुद्ध कारबाही
धादिङमा परमेश्वरको मण्डलीद्वारा सरसफाइ तथा वातावरणीय सचेतना कार्यक्रम
भतिजको खुकुरी प्रहारबाट गम्भीर घाइते भएका वृद्धको उपचारको क्रममा निधन
करेन्ट लागेर धादिङको गल्छीमा एक पुरुषको मृत्यु
नीलकण्ठ बालमन्दिर मा०बि ISO-21001 गुणस्तर प्राप्त गर्ने नेपालकै दोश्रो सामुदायिक बिद्यालय
नागढुङ्गा–नौबिसे सडकखण्ड दिउँसोको समयमा साढे ४ घण्टा बन्द हुने
धादिङ,३१ चैत
धादिङ जिल्लाको दिर्घकालिन विकास र तीनै तहका सरकारको भुमिका विषयमा धादिङमा धादिङ जिल्ला विकास कार्यशाला गोष्ठी सम्पन्न भएको छ ।तीनै तहका सरकार,पुर्व सांसद,संविधान सभा सदस्य र प्रदेश सरकारका सांसदहरको उपस्थितीमा जिल्लाको विकासको लागि छलफल भएको हो ।लोकतान्त्रिक पेशागत तथा बुद्धिजीवी सन्जाल धादिङको आयोजनामा सम्पन्न भएको कार्यक्रममा जिल्लाको राजनीति व्यक्तित्वहरुको उपस्थिती रहेको थियो ।
कार्यक्रममा जिल्लाका गौरवका योजनाहरु तयार गरी काम गर्नुपर्ने विषयमा छलफल भएको थियो ।कार्यक्रममा जिल्लाको गौरवहरुको लिष्ट तयार गरी सोहि अनुसार संघ सरकार,प्रदेश सरकार र स्थानीय सरकारबीचको समन्वयमा काम गर्नुपर्ने बताउनुभयो ।बोल्ने वक्ताहरुले बुढीगण्डकी जलविद्युत आयोजना,धादिङबेसी–तिप्लिङ सडक,गल्छी सितापाईला(लामिडाँडा)सडक,कृषिमा आधुनिकीकरण र बजारीकरण,रोजागरी सृजना गर्ने कार्यक्रम ल्याउनुपर्नेमा जोड दिनुभएको थियो । कार्यक्रममा चार वटा कार्यपत्र समेत प्रस्तुत गरीएको थियो ।विज्ञ टोलीहरुको समुहले स्वास्थ्य,शिक्षा,आर्थिक विकास र भौतिक विकास तथा वातावरण सम्बन्धी कार्यपत्र प्रस्तुत गरीएको थियो ।जिल्लाको बस्तु स्थित,अहिले सम्म भएका कामहरु,चुनौती तथा समस्या र आगामी योजनाको विषयमा विज्ञ टोलीहरुले कार्यत्रप प्रस्तुत गरीएको थियो ।
राष्ट्रिय योजना आयोगका पुर्व उपाध्यक्ष डा.पुष्पराज कडँेल,स्वास्थ्य सम्बन्धी डा.कृष्णमान शाक्य,आर्थिक विकास सम्बन्धी डा.प्रताव छत्कुली,जिल्लामा शिक्षा क्षेत्रको अवस्था र चुनौती विषयमा हरिसिंह केसी,खानेपानीको क्षेत्रको अवस्था,अवसर,चुनौती र अबको बाटोको विषयमा बोधनारायण श्रेष्ठ लगायतले कार्यपत्र प्रस्तुत गर्नुभएको थियो । लोकतान्त्रिक पेशागत तथा बुद्धिजीवी सन्जाल धादिङका अध्यक्ष डा.कृष्णमान शाक्यको अध्यक्षतामा सम्पन्न भएको कार्यक्रममा माननीय मन्त्री रामनाथ अधिकारीको प्रमुख आतिथ्यता रहेको थियो।
कार्यक्रममा संघिय सांसद राजेन्द्र प्रसाद पाण्डे,संघीय सांसद डोल प्रसाद अर्याल,संविधानसभा सदस्य गुरु बुर्लाकोटी,पुष्प बिक्रम मल्ल,कल्पना धमला,पुर्ब सांसद खेम प्रसाद लोहनी,भुमी त्रिपाठी,प्रदेश सांसद गोबिन्द लम्साल,मायादेबी कडेल र पुर्व प्रदेश सांसद डा.रामकुमार अधिकारी,राष्ट्रीय योजना आयोगका पुर्ब उपाध्यक्ष डा.पुष्पराज कडेल,जिल्ला समन्वय समितिका प्रमुख नबराज अधिकारी,नेपाल नगरपालिका संघका अध्यक्ष तथा नीलकण्ठ नगरपालिका नगर प्रमुख भीम प्रसाद ढुंगाना,१३ वटै गाउँपालिका अध्यक्ष÷उपाध्यक्ष,प्रमुख जिल्ला अधिकारी सुमन घिमिरे,नेपाल पत्रकार महासंघका सभापति सीतराम अधिकारी,विभिन्न सन्चार माध्यममा काम गर्ने पत्रकार लगायत जिल्ला स्थित सरकारी कार्यलयका प्रमुखहरुको सहभागिता रहेको थियो।
