आयुर्वेद तथा बैकल्पिक चिकित्सालय, धादिङका अध्यक्षमा बद्री प्रसाद कोइरालाद्धारा पदभार ग्रहण

धादिङबेशी । आयुर्वेद तथा बैकल्पिक चिकित्सालय धादिङका अध्यक्ष बद्री प्रसाद कोईरालाले पदभार ग्रहण गर्नु भएको छ । शुक्रबार कार्यालयमा एक औपचारिक कार्यक्रमको आयोजना गरि पदभार ग्रहण गर्नु भएको हो ।

पदभार ग्रहण कार्यक्रमा धादिङ अस्पतालका निमित्त निर्देशक गगन अधिकारी, जनस्वास्थ्य कार्यालय धादिङका निमित्त कार्यालय प्रमुख बिभु झा, आयुर्वेद तथा बैकल्पिक चिकित्सालय धादिङको कार्यालय प्रमुख अमुल्य दाहाल लगाएतको उपस्थिति रहेको थियो ।

बागमती प्रदेश सरकार,स्वास्थ्य मन्त्रालयको मिति २०८१ साल फागुन ११ गतेको मन्त्रिस्तरको निर्णय अनुसार नीलकण्ठ नगरपालिका वडा न ८ निवासी कोईरालालाई आयुर्वेद अस्पतालको अध्यक्षमा मनोनित गरेको थियो ।

पदभार ग्रहण पश्चात अध्यक्ष कोईरालाले आफु आयुर्वेद अस्पतालको सेवाग्राही पनि भएकोले सेवा प्रवाहमा थप चुस्तदुरुस्त बनाउन लागीपर्ने बताउनु भयो । उहाँले आयुर्वेद तथा बैकल्पिक चिकित्सालय धादिङको नया भवनको यथासिघ्र डि.पि.आर. कार्य सम्पन्न गरि आगामी बर्षमा नयाँ भवनको सिलान्यास गर्ने बताउनु भयो । अध्यक्ष कोईरालाले आयुर्वेद अस्पतालको सेवा ग्राहीलाई सहज रुपमा सेवा लिने बातावरण सिर्जना गर्ने प्रतिबद्धता ब्यक्त गर्नु भएको छ ।