नगर–उपप्रमुख दिपक बिश्वकर्माको पहलमा नगरभित्रका बिद्यार्थीहरुलाई शैक्षिक सामाग्री वितरण

धादिङबेशी । धादिङको नीलकण्ठ नगरपालिका भित्रका विभिन्न विद्यालयहरुमा नीलकण्ठ नगरपालिकाका उप–प्रमुख दिपक बिश्वकर्माको बिशेष पहलमा शैक्षिक सामाग्री वितरण गरिएको छ ।

रामकोट माध्यमिक विद्यालय वडा नम्बर ८का दुई सय १४, चण्डेश्वरी माध्यमिक विद्यालय वडा नम्बर ९का दुई सय ९०, स्थानपति आधारभुत विद्यालय वडा नम्बर १०का ७६ जना र शंखदेवी माध्यमिक विद्यालय वडा नम्बर ११ का एक सय ७२ जना गरि जम्मा सात सय ५२ जना विद्यार्थीहरुलाई झोला, स्टेशनरी तथा सरसफाई सामग्री वितरण गरिएको हो ।

आईतबार Global co–opretion for development ले वितरण गरेको उक्त सहयोग सामाग्रीलाई China foundation for rural devlopment को आर्थिक सहयोग रहेको थियो । कार्यक्रममा उपस्थित अतिथिहरुले शिक्षामा सुधार तथा शैक्षिक गुणस्तरियता कायम गर्नका लागि विद्यालयका विद्यार्थीहरुलाई शैक्षिक सामाग्री वितरण गरिएको जानकारी दिनुभयो ।

सहयोग सामाग्री हस्तान्तरण कार्यक्रममा जनवादी गणतन्त्र चीनका लागि निवर्तमान नेपाली राजदूत तथा नेकपा माओवादी केन्द्रका स्थायी समिति सदस्य विष्णु पुकार श्रेष्ठको प्रमुख आतिथ्यता तथा नीलकण्ठ नगरपालिकाको उप–प्रमुख दिपक विश्वकर्माको विशेष आतिथ्यता रहेको थियो । कार्यक्रममा प्रमुख प्रशाशकीय अधिकृत पुरुषोत्तम सुवेदी,निर्वाचित जनप्रतिनिधिहरु उपस्थित हुनुभएको थियो ।

नगरपालिकाको अन्य वडाका विद्यालयहरुमा पनि यस किसिमको सहयोग सामाग्री बितरण कार्यक्रम बाकी रहेको नगर–उप प्रमुख दिपक विश्वकर्माले जानकारी दिनुभयो ।