भूमि आयोग धादिङको अध्यक्षमा एमाले नेता हरिप्रसाद पन्त नियुक्त

धादिङबेशी । भूमि समस्या समाधान आयोग धादिङको अध्यक्षमा एमाले धादिङका नेता हरि प्रसाद पन्त नियुक्त हुनुभएको छ । पन्तले सोमबार सहकारी प्रशिक्षण केन्द्र नयाँबानेश्वरमा अध्यक्षको सपथ लिनुभएको हो ।

भूमि व्यवस्था, सहकारी तथा गरिबी निवारण मन्त्रालयले मन्त्रिस्तरीय निर्णय गर्दै धादिङमा आयोगको अध्यक्षमा नेकपा एमाले त्रिपुरासुन्दरी गाँउपालिका कमिटीको पूर्व अध्यक्ष समेत रहेका एमाले नेता पन्तलाई नियुक्त गरेको हो ।

यस्तै सदस्यमा नीलकण्ठ नगरपालिका वडा नम्बर ९ कि शर्मिला विक नियुक्त गरिएको छ । विक पनि एमाले कार्यकर्ता हुन् । बाँकी सदस्य नेपाली काँग्रेसको सिफारिसमा नियुक्ती गरिने बताईएको छ ।