जनप्रतिनिधि,कर्मचारी तथा उपभोक्ता समितिको लागि आयोजित एक दिने तालिम सम्पन्न

धादिङ,२० पुस
धादिङको नेत्रावती डबजोङ गाउँपालिकामा जनप्रतिनिधि,कर्मचारी तथा उपभोक्ता समितिका पदाधिकारीहरुको लागि आयोजित क्षमता अभिबृद्धि तालिम सम्पन्न भएको छ । गाउँपालिकाको आयोजनामा सुरु भएको तालिम प्रत्येक वडामा गएर सन्चालन गरीएको प्रमुख प्रशासकीय अधिकृत हरेराम शाहले जानकारी दिनुभयो । शुक्रबार नेत्रावती डबजोङ गाउँपालिकाको वडा नम्बर ५ मा तालिम सम्पन्न भएसँगै पालकाको सम्पुर्ण वडामा कार्यक्रम सकिएको हो ।

गाउँपालिकाबाट हुने विकास निर्माणको कामलाई सरल र सहज रुपमा सम्पन्न गर्न र उपभोक्ता समितिहरुलाई समितिको काम,कर्तव्य,अधिकार र गाउँपालिकाको नीति नियमको बारेमा जानकारी गराउने उदेश्यले तालिम सन्चालन गरीएको हो । वडा नम्बर ५ का वडा अध्यक्ष हरि अधिकारीको अध्यक्षतामा सम्पन्न भएको कार्यक्रममा प्रमुख प्रशासकीय अधिकृत हरेराम शाहको प्रमुख आतिथ्यता रहेको थियो ।

कार्यक्रममा प्रमुख प्रशासकीय अधिकृत शाहले गाउँपालिकाको नीति नियम,उपभोक्ता समितिका काम कर्तव्य र अधिकार लगायत भुक्तानीको लागि आवश्यक पर्ने कागजपत्रको बारेमा जानकारी गराउनु भएको थियो । साथै उहाँले अनुगमनको प्रक्रियाको बारेमा समेत जानकारी गराउनु भएको थियो । यसैगरी कार्यक्रममा योजना शाखा प्रमुख सुमन श्रेष्ठ,प्राविधिक शाखा प्रमुख राजकुमार श्रेष्ठ लगायतले आ–आफ्नो विषयबस्तुमा रहेर सहजीकरण गर्नु भएको थियो ।