सांकोषमा मावि स्तरिय छात्र/छात्रा भलिबल प्रतियोगिता सम्पन्न

धादिङ,७ पुष
नीलकण्ठ नगरपालिका वडा नम्बर १२ को आयोजनामा मावि स्तरीय छात्र/छात्रा भलिबल प्रतियोगिता सम्पन्न भएको छ । वडा भित्र रहेका प्रतिभाहरुलाई प्रस्फुटन गराउने उदेश्यले वडाले खेलकुद कार्यक्रम सन्चालन गरेको वडा नम्बर १२ का वडा अध्यक्ष धर्मराज भण्डारी(राजकुमार)ले जानकारी दिनुभयो ।साविको सांकोष गाविसलाई समेटेर भलिबल प्रतियोगिताको आयोजना गरीएको हो । प्रतियोगितामा चार वटा मावि विद्यालयका विद्यार्थीहरुको सहभागिता रहेको थियो ।पशुपति माध्यमिक विद्यालय व्यवस्थापन समितिका अध्यक्ष जयराम भण्डारीको अध्यक्षतामा सम्पन्न भएको प्रतियोगितामा सोहि विद्यालयका पुर्व विद्यालय व्यवस्थापन समितिका अध्यक्ष हर्क बहादुर भण्डारीको प्रमुख आतिथ्यता रहेको थियो । प्रतियोगितामा पशुपती मावि,सांकोष मावि,मनरुपी मावि र पञ्चकन्या माविका छात्र÷छात्रा गरी ८ वटा टिमको सहभागिता रहेको थियो । भलिबल प्रतियोगिताको उद्घाटन वडा अध्यक्ष धर्मराज भण्डारी(राजकुमार)ले गर्नुभएको थियो ।

पुरुष तर्फको प्रतियोगितामा पशुपती मावि प्रथम,मनरुपी मावि द्धितिय र सांकोष मावि तृतीय भएका छन् ।यसैगरी महिला तर्फको खेलमा भने मनरुपी मावि प्रथम, पशुपति माथि द्धितिय र पन्चकन्या मावि तृतीय भएका छन् । सहभागी टिमलाई विद्यालय व्यवस्थापन समितिका अध्यक्ष जयराम भण्डारीले नगद एक एक हजार प्रोत्साहन स्वरुप ४ हजार दिनुभएको छ । प्रतियोगिताका उत्कृष्ट खेलाडी मनरुपी माविका सुमन गुरुङ र बेष्ट स्पाईकर पशुपती माविका योयल तामाङ पर्न सफल बन्नु भएको छ । उत्कृष्ट खेलाडी र वेस्ट स्पाईक दुवै खेलाडीलाई कान्छी किचन युटुव च्यानले एक एक हजारबाट पुरस्कृत गरीएको थियो ।