लैङ्गिक हिंसाले मनमा पर्ने असर व्यवस्थापन गर्न थापागाउँमा अन्तरक्रिया

धादिङ,१४ मंसिर
नीलकण्ठ नगरपालिकाको आयोजनामा वडा नम्बर ४ थापाँगाउँमा लैङ्गिक हिंसाबाट उत्पन्न हुने मनोसामाजिक समस्या व्यवस्थापन गर्न अन्तरक्रिया कार्यक्रम सम्पन्न भएको छ।लैङ्गिक हिंसा विरुद्धको १६ दिने अभियान अन्तरगत शुक्रबार थापाँ गाउँमा लैङ्गिक हिंसाले निम्ताउने मनोसामाजिक समस्या न्युनीकरण गर्न सचेतना कार्यक्रम सम्पन्न भएको हो।

सामाजिक विकास समितिका संयोजक मन्जु थापा मगरको अध्यक्षतामा सम्पन्न भएको सचेतना कार्यक्रममा नीलकण्ठ नगरपालिका वडा नम्बर ४ का वडा अध्यक्ष हरि बहादुर श्रेष्ठको प्रमुख आतिथ्यता रहेको थियो।कार्यक्रममा वडा सदस्य बबिता सिंह ठकुरी,डालीया बहादुर नेपाली,हेम बहादुर श्रेष्ठ,नीलकण्ठ नगरपालिकाका महिला विकास शाखा अधिकृत उर्मिला थपलिया,गैरी गाउँ माध्यमिक विद्यालयका प्रधानाध्यापक रिता श्रेष्ठ,वडा नम्बर ४ वडा सचिव बबिता हुमागाई,वित्तीय साक्षरता सहजकर्ता सरस्वती लम्साल,आधारभुत स्वास्थ्य संस्थाका सुनिता कुमाल,मनोसामाजिक परामर्शकर्ता रामकुमार थापाको आतिथ्यता रहेको थियो ।

कार्यक्रममा महिला विकास शाखा अधिकृत उर्मिला थपलियाले लैङ्गिक हिंसा विरुद्धको १६ दिने अभियान,नगरपालिकाले गरीरहेको काम र महिला शसक्तिकरणको लागि भईरहेको कामको विषयमा जानकारी गराउनु भएको थियो ।यसैगरी मनोसामाजिक परामर्शकर्ता रामकुमार थापाले हिंसा भनेको के हो ?हिंसाको प्रकार, हिंसा हुनुको कारण,हिंसाबाट उत्पन्न हुने मनोसामाजिक समस्या र समाधानको विषयमा जानकारी गराउनु भएको थियो । यसैगरी वित्तीय साक्षरता सहजकर्ता सरस्वती लम्सालले लैङ्गिक हिंसा हुनुको कारण,वित्तीय साक्षतारताको महत्व,आर्थिकमा पहुँच बनाउदा हुने फाईदाको विषयमा जानकारी गराउनु भएको थियो ।

कार्यक्रममालाई सम्बोधन गर्नुहुदै वडा नम्बर ४ का वडा अध्यक्ष हरि बहादुर श्रेष्ठले महिलाहरुको शसक्तिकरणको लागि वडाले विभिन्न कार्यक्रमहरु सन्चालन गरीरहेको बताउनुभयो ।वित्तीय साक्षरता तथा मनोसामाजिक परामर्श कक्षा लिएका सहभागीहरुलाई तालिम पश्चात आयआर्जनमा जोड्ने भन्दै उहाँले आर्थिक रुपमा सबल हुन सके हिंसाका घट्नाहरुमा न्युनीकरण हुने बताउनुभयो ।वडा नम्बर ४ लाई समृद्ध बनाउनको लागि महिलाहरुको ठुलो भुमिका रहने भन्दै उहाँले आगामी दिनमा पनि विभिन्न क्षमता मुलक र सिप मुलक कार्यक्रम सन्चालन गरिने बताउनुभयो ।