धादिङबेशीमा भएको मोतिबिन्दु शल्यक्रिया शिविरमा ८६ जनाले सेवा लिए

मंसिर ११, २०८१
धादिङबेशीमा ८६ जनाको मोतिबिन्दुको शल्याक्रिया गरिएको छ । आइतबार र सोमबार संचालन भएको शिविर ८६ जनाको मोतिबिन्दुको शल्याक्रिया गरिएको तिलगंगा सर्जिकल आँखा केन्द्र धादिङका प्रमुख सुपेन्द्र ताम्राकारले बताउनुभयो ।

तिलगंगा सर्जिकल आँखा केन्द्र धादिङको आयोजना द फ्रेड फलोज फाउन्डेशनको सहयोग तथा नीलकण्ठ नगरपालिका, सेचेन करुणा र लायन्स क्लब अफ धादिङको स्थानिय सहयोगमा बिरामीहरुलाई खाने बस्ने व्यवस्था सहितको सेवा प्रदान गरिएको हो ।

शिविरमा मंसिर ३ गते शेचेन करुणा संस्थाद्धारा आयोजित निशुल्क आँखा शिविरबाट खनियाबासमा छनौट गरिएको मोतिविन्दुको बिरामी ५१ जना र तिलगंगा सर्जिकल आखाँ केन्द्र धादिङबाट छनोट भएका निलकण्ठ नगरपालिकाको १० जना, ज्वालामुखी गाउँपालिकाको १३ जना, नेत्रावती डबजोङ गाउँपालिकाको ४ जना, गंगाजमुना गाउँपालिकाको ३ जना, गल्छी गाउँपालिकाको २ जना, रुविभ्याली , सिद्धलेक र त्रिपुरासुन्दरी गाउँपालिकाको १/१ जना ८६ जना बिरामीहरुलाई सेवा दिईएको आँखा केन्द्र धादिङका प्रमुख ताम्राकारले जानकारी दिनुभयो ।

उहाँका अनुसार ४० जना महिला र ४६ जना पुरुष गरी ८६ जनाको शल्यक्रिया गरिएको हो ।