सिद्धलेकका ७५ वटा कुकुरलाई एन्टिरेविज खोप लगाइयो

धादिङ, ०७ असोज ।
सिद्धलेक गाउँपालिकामा आजदेखी सप्ताहव्यापी रेविज बिरूद्वको खोप अभियान सुरु भएको छ । विश्व रेविज दिवस २०२४ को अवसरमा “अवरोध हटाऔं, रेबिज उन्मूलन गरौं” भन्ने नाराका साथ सिद्धलेक गाउँपालिकाले आजदेखी अभियान सञ्चालन गरेको हो ।

अभियान अन्तरगत आज पहिलो दिन वडा नं १ र २ को कालीदह, बैरेनी, खिर्रे, ठाँटी लगाएतका क्षेत्रका ७५ वटा कुकुरहरुलाई रेविज बिरूद्वको खोप लगाइएको पशु सेवा प्राविधिक रामशरण अधिकारीले जानकारी दिनुभयो । ७५ वटा मध्ये ३५ वटा सामुदायिक र ४० वटा घरपालुवा कुकुरलाई एन्टिरेविज खोप लगाइएको अधिकारीले बताउनुभयो ।

त्यस्तै भोलि असोज ८ गते वडा नं ३ र ४ को कमलावारी, ईटपानी, मैदान लगाएतको क्षेत्र, असोज ९ गते वडा नं ५ को बाघवच्छला, बुङचुङ लगाएतको क्षेत्र, १० गते परेवाटार, माझीटार सहित वडा नं ६ को क्षेत्र र ११ गते आदमटार, पिपलटार सहित वडा नं ७ को क्षेत्रमा अभियान सञ्चालन हुने अधिकारीले बताउनुभयो ।

असोज १२ गते भने पालिकाको छुट भएका क्षेत्रहरुमा सञ्चालन गरिने उहाँको भनाई छ ।