नेत्रावती डबजोङबाट SEE मा ९२.३६ प्रतिशत विद्यार्थी उतीर्ण
किबो स्काउट ट्रुपद्राद्धारा स्काउट स्थापना दिवसको अवसरमा सन्देशमुलक नृत्य तथा नाटक प्रस्तुत
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
मिन्दुका माविमा संघ, प्रदेश र स्थानीय तहको झल्को दिने नमुना निर्वाचन सम्पन्न
चिल्ड्रेनपार्क माविद्वारा चार जिपिए ल्याउने प्रिसिला तामाङ सहित अन्य विद्यार्थीलाई सम्मान
धादिङ,२६ भाद्र ।
धादिङमा यस वर्षको संविधान दिवस तीन दिनसम्म विभिन्न कार्यक्रम गरी मनाइने भएको छ । दिवस मनाउन जिल्ला समन्वय समितिका प्रमुख नवराज अधिकारीको अध्यक्षतामा मूल समारोह समिति समेत गठन गरिएको छ ।
२०७२ साल असोज ३ गते संविधानसभाबाट नेपालको संविधान जारी भएको ऐतिहासिक दिनलाई सदाझैँ स्मरणीय र हर्षोल्लासका साथ दिवस मनाउन समिति गठन गरिएको हो ।
जिसस प्रमुख नवराज अधिकारीको अध्यक्षतामा मंगलबार बजेको संयुक्त बैठकले मूल समारोह समिति गठनसंगै विभिन्न कार्यक्रमहरु गर्ने निर्णय पनि भएको छ ।
संविधान दिवस मनाउने कार्यक्रम अन्तरगत आगामी असोज २, ३ र ४ गते तीन दिनसम्म सबै सरकारी कार्यालय, संघ÷संस्था तथा अन्य कार्यालयहरुमा दीपावली गर्ने लगायत कार्यक्रम गर्ने तथा असोज ३ गते संविधान दिवस मनाउने निर्णय गरेको हो ।
समितिले जिल्लास्तरमा गरिने कार्यक्रम अन्तर्गत नीलकण्ठ नगरपालिकाको संयोजनमा झाँकी प्रदर्शन गर्ने, राजनीतिक पार्टीहरुले वृहत ¥याली प्रदर्शन गर्ने, रेडक्रस सोसाइटीको संयोजनमा रक्तदान कार्यक्रम आयोजना गर्ने र नेपाल पत्रकार महासंघको संयोजनमा धादिङका सञ्चार माध्यमहरुमा संविधानका विषयमा केन्द्रित विशेष अन्तर संवाद कार्यक्रम सञ्चालन गर्ने निर्णय गरेको छ ।
बैठकमा जिल्ला समन्वय समितिका पदाधिकारीहरु, प्रमुख जिल्ला अधिकारी लगायत सुरक्षा निकायका प्रमुखहरु, नेपाली कांग्रेस, नेकपा एमाले र नेकपा माओवादी केन्द्रका प्रमुख एवम् प्रतिनिधिहरु, सरकारी तथा गैर सरकारी संस्थाका प्रमुख एवम् प्रतिनिधिहरु लगायतको सहभागिता रहेको थियो ।
