रेडक्रस धादिङद्धारा स्थापना दिवसको अवसरमा स्वास्थ्य तथा सरसफाई सामाग्री वितरण

धादिङबेशी । नेपाल रेडक्रस सोसाईटी धादिङ शाखाले रेडक्रसको ६२ औँ स्थापना दिवसको अवसर पारेर स्वास्थ्य तथा सरसफाईको सामाग्री बितरण गरेको छ ।

आज एक कार्यक्रमको आयोजना गरि रेडक्रस धादिङ शाखाले आमाको माया छात्राबास र स्वबलम्बी बहिरा आधारभुत विद्यालयलाई उक्त सहयोग सामाग्री हस्तान्तरण गरेको हो ।

रेडक्रस धादिङ शाखाले हाईजिन किट, माक्स, ग्लोप्स, सेनिटाईजर, साबुन, सेल्टर किट, डस्विन, बाल्टिन, त्रिपाल र कम्वल लगायतका सामग्रीहरु वितरण गरिएको छ । स्वाबलम्बी वहिरा आधारभुत विद्यालयमा ४३ जना विद्यार्थीहरु र आमाको माया छात्रावासमा २४ जना बिद्यार्थीहरु रहेका छन् ।

सहयोग सामाग्री हस्तान्तरण समारोहमा नेपाल रेडक्रस सोसाइटी धादिङ शाखा सभापति दुर्लभ कुमार तामाङ,मन्त्री नेम बहादुर श्रेष्ठ,कोषाध्यक्ष नारायण कुमार श्रेष्ठ, कार्यालय प्रमुख आगमन खतिवडा,आमाको माया छात्राबासका ब्यवस्थापन समितिका अध्यक्ष डा. नविनबन्धु पहाडी,लायन्स क्लव अफ धादिङका भैरवीका प्रथम उपाध्यक्ष बालकृष्ण नेपाली,नेपाल निजामती कर्मचारी युनियन धादिङका अध्यक्ष प्रकाश सापकोटा लगाएत रााष्ट्रसेवक कर्मचारीहरुको समेत उपस्थित रहेको थियो ।

कार्यक्रमका केहि झलकहरु