रामकोट साकोसको अध्यक्षमा राजकुमार श्रेष्ठ निर्वाचित

धादिङ,१६ भाद्र ।
रामकोट बचत तथा ऋण सहकारी सस्था लिमिटेडको अध्यक्षमा राजकुमार श्रेष्ठ निर्वाचित हुनुभएको छ । शनिबार सम्पन्न संस्थाको पाचौं अधिबेशनले श्रेष्ठको अध्यक्षतामा ९ सदस्यीय सन्चालक समिती चयन गरेको हो ।

नयाँ संचालक समितिको उपाध्यक्ष राजकुमार श्रेष्ठ, सचिवमा रेशम कुमार श्रेष्ठ, सह–सचिवमा भक्तबहादुर श्रेष्ठ, कोषाध्यक्षमा तेजकुमारी लम्साल निर्वाचित हुनुभएको छ । त्यसैगरी सदस्यहरुमा सुजन श्रेष्ठ, रामशरण श्रेष्ठ, ऋतु श्रेष्ठ, कविता बस्यौला अर्याल चयन हुनुभएको छ ।

फत्तकुमारी श्रेष्ठ (सुनिता) सहित ३ सदस्यीय लेखा तथा सुपरिवेक्षण समिती सर्वसम्मत चयन गरेको छ । अधिवेशनले ४ बर्षे कार्यकालको लागी नयाँ समिति चयन गरेको हो ।

संस्थाका अध्यक्ष रामकृष्ण श्रेष्ठको अध्यक्षतामा सम्पन्न भएको अधिवेशनमा नीलकण्ठ नगरपालिकाका मेयर भीम प्रसाद ढुंगानाको प्रमुख आतिथ्यता रहेको थियो ।
कार्यक्रममा नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदी, नीलकण्ठ बहुमुखी क्याम्पसका प्रमुख तथा सहकारी अभियन्ता नवराज शर्मा, नगर प्रवक्ता तथा वडा नम्बर ८ का वडा अध्यक्ष प्रकाश कुमार श्रेष्ठ, नेपाल नगरपालिका संघका सल्लाहकार सरोज अधिकारी लगायत सरोकारवाला निकायहरुको आतिथ्यता रहेको थियो ।

२०६६ सालमा स्थापना भएको संस्थाको शेयर सदस्य २९ सय ४० जना रहेका छन् । जसमा १६ सय ५७ महिला,१२ सय ८३ पुरुष र १३ सय ७४ जना बाल सदस्य रहेका छन् ।