नेकपा एमालेको प्रशिक्षक प्रशिक्षण कार्यक्रम धादिङबेशीमा सुरु

धादिङ,०५ भाद्र ।
नेकपा एमालेको प्रशिक्षक प्रशिक्षण कार्यक्रम सुरु गरेको छ । नेकपा एमाले धादिङ जिल्ला पार्टी स्कुल विभागकोे आयोजनामा ५ दिने प्रशिक्षक प्रशिक्षण कार्यक्रमको बुधबार धादिङबेसीमा सुरुवात गरिएको हो ।

नेकपा एमाले केन्द्रीय सदस्य तथा धादिङ इन्चार्ज खेम लोहनीले पानसमा बत्ती बालेर कार्यक्रमको उद्घघाटन गर्नुभएको हो । प्रशिक्षक प्रशिक्षण कार्यक्रममा मौलिक उर्जालाई उजागर गरि व्यवहारमा लागु गर्दै पार्टी कार्यकर्तालाई सिकाउन सक्ने कार्यक्रम प्रशिक्षक प्रशिक्षण भएकोले जिम्मेवारी पुरा गर्न लोहनीले सबैलाई आग्रह गर्नुभयो ।

पार्टीका नेताहरुले दिने प्रशिक्षणमा पार्टीको कार्यदिसा, दर्शन र सिद्दान्तबारे बुझाउने खालको हुने र प्रशिक्षक प्रशिक्षणले सीप विकास गर्ने उहाँको भनाइ छ ।

कार्यक्रमलाई सम्बोधन गर्नुहुँदै नेकपा एमाले धादिङका अध्यक्ष भूमि त्रिपाठीले नेता हुँदैमा सबैले जानेको हुन्छ उत्तिकै बुझाउन सक्छ भन्ने नहुने भएकोले प्रशिक्षक प्रशिक्षणले एमालेलाई अब्बल बनाउन पार्टी सदस्यसम्मलाई सिकाउने गरि तयारी गर्न आग्रह गर्नुभयो ।

धेरै प्रशिक्षण लिएर मात्र नभई आफूले जानेको कुरा अरुलाई सिकाउन सक्ने बन्नु अब्ल कार्यकर्ता हुने भएकोले महत्वपूर्ण जिम्मेवारी पुरा गरेर धादिङको टोल टोलमा पुगेर प्रशिक्षण संचालन गर्न सहभागिहरुलाई आग्रह गर्नुभएको छ।

नेकपा एमालेले चालु वर्षलाई प्रशिक्षणको वर्षको रुपमा संचालन गर्ने र जिल्लाका १० हजार पार्टी सदस्यसम्म पुग्नेगरि प्रशिक्षण कार्यक्रम संचालन गर्ने योजना साथ अघि बढेको हो ।

जिल्लातहबाट संचालित प्रशिक्षक प्रशिक्षणमा दर्शन, सिद्दान्त, र बिचार तथा प्रशिक्षण सीपका हिशसावले अब्बल प्रशिक्षक बनाउनका लागि प्रशिक्षक प्रशिक्षण आयोजना गरिएको नेकपा एमाले धादिङले जनाएको छ ।

यस वर्ष धादिङका टोलटोल, वडा, पालिकामा प्रशिक्षण चलाउने कार्यक्रम तग गरिने नेकपा एमाले जिल्ला सचिव राधिका सापकोटाले बताउनुभयो । सबै पार्टी सदस्यले कम्तीमा १५ घण्टाको तालिम लिनुपर्ने नेकपा एमालेले जारी गरेको अन्तरपार्टी निर्देशन अनुसार धादिङका सबैले यस वर्ष प्रशिक्षण लिने वयवस्थाका लागि प्रशिक्षक प्रशिक्षण आयोजना गरिएको सापकोटाको भनाइ छ ।

५ दिनसम्म संचालन गरिने प्रशिक्षक प्रशिक्षणमा प्रदेश कमिटिका सदस्यहरु, जिल्ला कमिटिका सदस्यहरु, पालिका कमिटिका अध्यक्ष तथा तोकिएका व्यक्तिहरु गरि २५ जनाको सहभागिता रहेको छ ।

प्रशिक्षक प्रशिक्षण कार्यक्रममभा पार्टी केन्द्रीय स्कूल विभाग सचिव घनश्याम कोइराला, बागमति प्रदेश स्कुल विभाग प्रमुख बालकृण देउजा, पार्टी केन्द्रीय स्कुल विभाग सदस्य सुन्दर लामीछाने, केन्द्रीय सदस्य तथा पार्टी केन्द्रीय स्कुल विभाग सदस्य कपिल पोखरेल लगायतले सहजीकरण गर्नुहुने छ ।