धादिङ अस्पताल परिसरमा १५२ जनाद्धारा रक्तदान

धादिङ,२४ असार ।
धादिङ अस्पताल परिसरमा भएको रक्तदान कार्यक्रममा १५२ जनाले रक्तदान गरेका छन् । लायन्स क्लब अफ काठमाडौँ सूर्यमुखीको आयोजनामा भएको कार्यक्रममा ११४ जना पुरुष र ३८ जना महिला गरी १५२ जनाले रक्तदान गरेको संस्थाका अध्यक्ष कृष्ण ढकाल (शिशिरले) जानकारी दिनुभयो ।

गर्मी याममा संक्रामक रोगहरुका कारण हुन सक्ने रगत अभावलाई मध्यनजर गर्दै रगत परिपुर्ति गर्ने उद्धेश्यका साथ कार्यक्रमको आयोजना गरिएको ढककालले बताउनुभयो ।

बिहान ८ बजेदेखि दिउँसो ४ बजेसम्म भएको रक्तदान कार्यक्रममा धादिङ अस्पताल, लायन्स क्लब अफ काठमाडौँ ब्लड सर्कल र धादिङ फिटनेस सेन्टर धादिङको समन्वयमा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।