नेवि संघ धादिङद्धारा वृक्षारोपण, भित्तेपात्रो बिमोचन र स्ववियुमा निर्वाचितहरुलाई सम्मान

धादिङबेशी । नेपाल विद्यार्थी संघ जिल्ला कार्य समिति धादिङले वृक्षरोपण, भित्तेपात्रो बिमोचन तथा सम्मान कार्यक्रम सम्पन्न गरेको छ ।
सोमबार नेपाल विद्यार्थी संघ धादिङले मच्छिन्द्र बहुमुखी क्याम्पसमा उक्त कार्यक्रमको सम्पन्न गरेकोे हो ।

मच्छिन्द्र बहुमुखी क्याम्पस वरिपरि धुपी, एभोकाडो कागती, बेल लगायतका विरुवाहरु वृक्षारोपण गरि सोहि अवसरमा भित्तेपात्रो बिमोचन समेत गरिएको छ । कार्यक्रमको अवसर पारेर नेविसंघ धादिङबाट प्रतिनिधित्व गरि स्वबियुमा बिजयी भएका सम्पुर्ण विद्यार्थीहरुलाई सम्मान समेत गरिएको छ ।

नेविसंघ धादिङका अध्यक्ष सुदिप गौलीको अध्यक्षतामा सम्पन्न भएको कार्यक्रममा प्रदेश सभा सदस्य मधु कुमार श्रेष्ठकोे प्रमुख आतिथ्यता रहेको थियो । कार्यक्रममा नेपाली कांग्रेस महासमिति सदस्य जीवनाथ ढकाल, कृष्ण रिजाल, राजन बुर्लाकोटी, नेपाली कांग्रेस बागमती प्रदेश सदस्य सर्मिला कार्की, धुनिबेसी नगरपालिका वडा नम्बर ३ का वडा अध्यक्ष प्रकाश हमाल, ने.वि संघ केन्द्रिय सदस्य, त्रि बि स्वबियु सभापति लगायतको उपस्थिति रहेको थियो ।