तामाङ राष्ट्रीय मुक्ति मोर्चा धादिङकोे अध्यक्षमा पुन : सुर्य बहादुर तामाङ चयन

धादिङबेशी । नेपाल कम्युनिष्ट पार्टी माओवादी केन्द्रको भातृ संगठन तामाङ राष्ट्रीय मुक्ति मोर्चा धादिङको सातौ जिल्ला भेला सम्पन्न भएको छ । मोर्चाको अध्यक्ष सुर्य बहादुर तामाङको अध्यक्षता तथा पार्टि केन्द्रीय सदस्य तथा मोर्चाको संघिय अध्यक्ष सुर्यमान दोङको प्रमुख आतिथ्यतामा कार्यक्रम सम्पन्न भएको हो ।

आज सम्पन्न भेलाले सुर्य बहादुर तामाङलाई पुन : अध्यक्षमा निर्वाचित गरेको छ । भेलाले सुर्य बहादुर तामाङको अध्यक्षतामा पछि ३ सदस्यीय थप गर्ने गरि २१ सदस्यिय नयाँ कमिटि चयन गरेको हो ।

निर्वाचित समितिको सचिवमा अमृत तामाङ रहेका छन् । भेलामा निर्वाचित कमिटिलाई नेकपा माओवादी केन्द्र धादिङका ईन्चार्ज पुष्पबिक्रम मल्ल, केन्द्रिय सदस्य राम बहादुर भण्डारी, जिल्ला संयोजक मनराज भण्डारी, जिल्ला सचिव सुवोध लामिछाने, माओवादी केन्द्रका नेतृ उर्मिला तामाङ लगाएतले बधाई तथा शुभकामना प्रकट गर्नु भएको थियो ।