टोल विकास संस्थाका पदाधिकारीहरुको लागि आयोजित अभिमुखीकरण कार्यक्रम सम्पन्न

धादिङ,१६ जेठ
टोल विकास संस्था महासंघ धादिङको आयोजना र नीलकण्ठ नगरपालिकाको सहयोगमा टोल विकास संस्थाका पदाधिकारीहरुको लागि आयोजित अभिमुखीकरण कार्यक्रम मंगलबार सम्पन्न भएको छ ।टोल विकास संस्था महासंघ धादिङका अध्यक्ष नर बहादुर श्रेष्ठको अध्यक्षतामा सम्पन्न भएको कार्यक्रममा नीलकण्ठ नगर पालिकाका नगर उप प्रमुख दिपक विश्वकर्माको प्रमुख आतिथ्यता रहेको थियो ।

नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीको विशेष आतिथ्यता रहेको कार्यक्रममा नेपाल नगर पालिका संघका सल्लाहकार सरोज अधिकारी,अधिवक्ता विश्वराज अधिकारी,वडा नम्बर ८ का वडा अध्यक्ष तथा प्रवक्ता प्रकाश कुमार श्रेष्ठ,कार्यपालिका सदस्य एवं सामाजिक शाखा सदस्य मन्जु राना लगायतको आतिथ्यता रहेको थियो । नीलकण्ठ नगरपालिका भित्र ५५ वटा टोल विकास संस्था गठन गरीएको छ ।

कार्यक्रममा टोल विकास संस्थाका अध्यक्ष,सचिव लगागयत पदाधिकारीहरुको सहभागिता रहेको थियो।सहभागीहरुलाई नीलकण्ठ नगरपालिकाका सल्लाहकार दिपक कोईराला,नीलकण्ठ नगरपालिका वडा नम्बर ८ का वडा अध्यक्ष प्रकाश कुमार श्रेष्ठ र नीलकण्ठ नगरपालिकाका प्रशासन शाखा प्रमुख लोकनाथ उपाध्यायले विषयबस्तु माथि सहजिकरण गर्नुभएको थियो ।